ໃນວັນທີ 16 ມີຖຸນາ 2018 ທີ່ ໂຮງແຮມ ແຊງກຣີ-ລາ, ບາງກອກ, ປະເທດໄທ ໄດ້ຈັດ ກອງປະຊຸມສຸດຍອດ ACMECS ຄັ້ງທີ 8 ແລະ ກອງປະຊຸມສຸດຍອດ CLMV ຄັ້ງທີ 9.

ກອງປະຊຸມສຸດຍອດດັ່ງກ່າວແມ່ນມີບັນດາຜູ້ນໍາ ACMECS ແລະ ບັນດາຜູ້ບໍລິຫານຂັ້ນສູງ (CEO) ຂອງບໍລິສັດໃຫ່ຍ ແລະ ຢູ່ແຖວໜ້າໃນ 05 ປະເທດສະມາຊິກ ACMECS ຄື: ກໍາປູເຈຍ, ລາວ, ມຽນມາ, ໄທ ແລະ ຫວຽດນາມ ເຂົ້າຮ່ວມ ແລະ ເຈົ້າພາບ ປະເທດໄທໄດ້ຈັດພາເຂົ້າຮັບປະທານອາຫານທ່ຽງ ເຊິ່ງເປັນໂອກາດໃນການໂອລົມກັບບັນດາຜຸ້ນຳ ACMECS ກ່ຽວກັບທ່າແຮງ ແລະ ກາລະໂອກາດ ທີ່ຈະຂະຫຍາຍກິດຈະການ ຫຼື ດຳເນີນທຸລະກິດ ໃນພາກພື້ນນີ້ ແລະ ຍັງເປັນໂອກາດແລກປ່ຽນບົດຮຽນ ແລະ ປະສົບການ ກັບບັນດາຜູ້ບໍລິຫານຂັ້ນສູງ ຈາກປະເທດສະມາຊິກ ACMECS.