ນະຄອນຫຼວງວຽງຈັນ, ສປປ ລາວ (31 ກໍລະກົດ, 2018) ເປັນຄັ້ງທໍາອິດ ທີ່ ໜ່ວຍແມ່ຍິງ ສະພາການຄ້າ ແລະ ອຸດສາຫະກໍາ ແຫ່ງຊາດລາວໄດ້ຈັດສໍາມະນາ ສໍາມະນາ “ການສ້າງຄວາມເຂັ້ມແຂງໃຫ້ແມ່ຍິງ ແລະ ການເຊືອມສານບົດບາດ ຍິງ -ຊາຍ” ໃນວັນທີ 31/07/2018 ທີ ສຄອຊ.

ເພື່ອເປັນການ ສ້າງຂະບວນການ ໃນວຽກງານທີສໍາຄັນເນື່ອງໃນໂອກາດສະເຫຼີມສະຫຼອງວັນສ້າງຕັ້ງສະຫະພັນແມ່ຍິງລາວ ຄົບຮອບ 63 ປີ. ສະພາການຄ້າ ແລະ ອຸດສາຫະກຳ ແຫ່ງຊາດລາວ ໃນນາມເປັນຕົວແທນໃຫ້ແກ່ຫົວໜວ່ຍທຸລະກິດດ້ານການຄ້າການລົງທຶນ ແລະ ຕາງໜ້າຜູ້ໃຊ້ແຮງງານ, ຊຶ່ງພາກທຸລະກິດມີບົດບາດສໍາຄັນສູງໃນການສ້າງວຽກເຮັດງານທໍາທີມີຄຸນຄ່າ ແລະ ເປັນທໍາ. ສະນັ້ນ, ເພື່ອເປັນການສົ່ງເສີມບົດບາດຍິງ-ຊາຍ ແລະ ໃຫ້ແມ່ຍິງໄດ້ຮູ້ເຖິງບົດບາດຂອງຕົົນ ໃນການພັດທະນາຕົນເອງ, ອົງກອນ ກໍ່ຄືພັດທະນາປະເທດຊາດ.

ຈຸດປະສົງຂອງການຈັດສໍາມະນາໃນຄັ້ງນີ້: ເພື່ອເປັນການຊຸກຍູ້ສົ່ງເສີມແມ່ຍິງໃຫ້ຮູ້ການຈັດຕັ້ງປະຕິບັດວຽກງານແມ່ຍິງ 3 ດີ. ສ້າງຄວາມສະເໝີພາບ ໃນການເຊືອມສານ ບົດບາດຍິງ-ຊາຍ ເຂົ້າໃນຂະແໜ່ງການຕົນ.

ສໍາມະນາໃນຄັ້ງນີ້ໄດ້ຮັບການສະໜັບສະໜູນຈາກຄູຮ່ວມພັດທະນາກໍຄືໂຄງການການສຶກສາໂລກ, “ລັດຖະບານ ສະຫະລັດອາເມລິກາ” ເພື່ອເປັນການສ້າງຄວາມເຂັ້ມແຂງໃຫ້ແມ່ຍິງ ດ້ານພັດທະນາວິຊາຊິບ ແລະ ຄວາມຮູ້ຄວາມສາມາດກໍ່ເປັນບົດບາດໜຶ່ງທີສໍາຄັນໄດ້ມີສ່ວນຮ່ວມ. ສໍາມະນາໃນຄັ້ງນີ້ມີຜູ້ເຂົ້າຮ່ວມທັງໝົດ 50 ທ່ານ ຈາກໜ່ວຍແມ່ຍິງ ສຄອຊ, ອົງການສຶກສາໂລກ, ສະມະຄົມ ແລະ ກຸ່ມທຸລະກິດ ແລະ ສະມາຊິກ ສຄອຊ ກໍ່ໄດ້ເອົາໃຈໃສ່ແລະ ເຫັນຄວາມສໍາຄັນເຂົ້າຮ່ວມເພື່ອນໍາໄປພັດທະນາຕົນເອງ ແລະ ຂະແໜ່ງການຕົນ. ກອງປະຊຸມໄດ້ປິດລົງເວລາ 12:00 ໂດຍ ທ່ານ ນ. ດາວວະດີງ ພິລະໄຊພິທັກ ຫົວໜ້າໜ່ວຍແມ່ຍິງ ສຄອຊ, ຮອງເລຂາທິການ ສຄອຊ. ແລະ ຄະນະປະທ່ານ ຮ່ວມ ທ່ານ ນ. ສົມໝາຍ ພົມມຸນິວົງ ຮອງປະທານ ຄະນະບໍລິຫານງານ ສະຫະພັນແມ່ຍິງ, ກະຊວງອຸດສະຫະກໍາ ແລະ ການຄ້າ ແລະ ທ່ານ ນ. ຊາຣ່າ ບຣູນາກີ ຫົວໜ້າອົງການສຶກສາໂລກ.