ໃນຕອນເຊົ້າຂອງວັນທີ 09 ກຸມພາ 2021 ທີ່ ສະພາການຄ້າ ແລະ ອຸດສາຫະກຳ ແຫ່ງຊາດລາວ (ສຄອຊ), ສູນບໍລິການວິສາຫະກິດຂະໜາດນ້ອຍ ແລະ ກາງ ສຄອຊ ໄດ້ຈັດພິທີເປີດການຝຶກອົບຮົມຫົວຂໍ້: “ ການຂຽນຂ່າວ, ສ້າງສາລະຄະດີ ແລະ ລະບຽບການຕ່າງໆ ກ່ຽວກັບວຽກງານໂຄສະນາ-ປະຊາສຳພັນໃຫ້ແກ່ພະນັກງານ ສຄອຊ”

ໂດຍການເປັນປະທານ ຂອງ ທ່ານ ດາວວອນ ພະຈັນທະວົງ ຮອງປະທານ ສະພາການຄ້າ ແລະ ອຸດສາຫະກຳ ແຫ່ງຊາດລາວ ແລະ ທ່ານ ປິ່ນປາດຖະໜາ ພັນທະມາລີ ຮອງປະທານສະມາຄົມນັກຂ່າວ ແຫ່ງ ສປປ ລາວ.

ຈຸດປະສົງຂອງການຝຶກອົບຮົມໃນຄັ້ງນີ້ ແມ່ນເປັນການສ້າງຄວາມເຂັ້ມແຂງໃຫ້ພະນັກງານ ສຄອຊ ເພື່ອສ້າງທັກສະ ແລະ ເຂົ້າໃຈເຖິງຫຼັກການຕໍ່ການຂຽນຂ່າວ, ການນຳໃຊ້ພາສາລາວໃນການຂຽນອອກສື່ມວນຊົນ ແລະ ນຳໃຊ້ສື່ມວນຊົນ ໃຫ້ຖຶກຕ້ອງ, ເຕັກນິກມີເດຍໃນວຽກງານໂຄສະນາ ເຊິ່ງການຝຶກອົບຮົມແມ່ນຈະໄດ້ດຳເນີນເປັນເວລາ 5ວັນ