ໃນວັນທີ 7 ເມສາ ສະພາການຄ້າ ແລະ ອຸດສາຫະກຳແຫ່ງຊາດລາວ ໂດຍການສະໜັບສະໜູນ ຂອງໂຄງການສ້າງສະພາບແວດລ້ອມທີ່ເອື້ອ ອຳນວຍຕໍ່ທຸລະກິດລາວ USAID lao business development ໄດ້ຈັດກອງປະຊຸມແລກປ່ຽນສົນທະນາດ້ານນະໂຍບາຍ

ໃນຫົວຂໍ້ ການລົງທະບຽນອອກເລກປະຈຳຕົວຜູ້ເສຍອາກອນ ແລະ ການຮັກສາຂໍ້ມູນ ແລະ ຄວາມປອດໄພທາງໄຊເບີ້ ໃຫ້ແກ່ພາກທຸລະກິດ” ທີ່ ໂຮງແຮມ ຄຣາວພຣາຊາ ໂດຍການເປັນປະທານຮ່ວມຂອງທ່ານ ປອ ວາລີ ເວດສະພົງ ຮອງປະທານສະພາການຄ້າ ແລະ ອຸດສາຫະກຳແຫ່ງຊາດລາວ ແລະ ທ່ານ Cullen Hughes ຫົວໜ້າຫ້ອງການພັດທະນາດ້ານເສດຖະກິດ, ການສຶກສາ ແລະ ພັດທະນາ, ອົງການ ພັດທະນາສາກົນ ປະເທດອາເມລິກາ ພ້ອມນັ້ນກໍ່ມີບັນດາຜູ້ເຂົ້າຮ່ວມກໍ່ຄືຕາງໜ້າຂະແໜງການທີ່ກ່ຽວຂ້ອງຂອງພາກລັດບັນດາສະມາຄົມທຸລະກິດ,ຫົວໜ່ວຍທຸລະກິດ ແລະ ສະຖາບັນຄົ້ນຄົ້ວາເສດຖະກິດການຄ້າ.

ຈຸດປະສົງຂອງການປະຊຸມແມ່ນເປັນອີກເວທີໜຶ່ງໃຫ້ແກ່ຜູ້ປະກອບການທຸລະກິດ ແລະ ໜ່ວຍງານພາກລັດແລກປ່ຽນມຸມມອງຄວາມຄິດເຫັນກ່ຽວກັບນະໂຍບາຍ ແລະ ລະບຽບການທີ່ຕິດພັນກັບການຄ້າ ແລະ ສະພາບແວດລ້ອມໃນການດຳເນີນທຸລະກິດ.