ສຄອຊ ພ້ອມດ້ວຍຄະນະໄດ້ລົງເຄື່ອນໄຫວຢ້ຽມຢາມ ກິດຈະການຕະຫຼາດບຶງທາດຫຼວງໃນວັນທີ 26 ພຶດສະພາ 2021, ທ່ານ ດາວອນ ພະຈັນທະວົງ ຮອງປະທານ ຜູ້ປະຈໍາການ ສະພາການຄ້າ ແລະ ອຸດສາຫະກໍາ ແຫ່ງຊາດລາວ (ສຄອຊ) ຜູ້ຊີ້ນໍາວຽກງານສົ່ງເສີມວິສາຫະກິດຂະໜາດນ້ອຍ ແລະ ກາງ ສຄອຊ ພ້ອມດ້ວຍຄະນະໄດ້ລົງເຄື່ອນໄຫວຢ້ຽມຢາມ ກິດຈະການຕະຫຼາດບຶງທາດຫຼວງ ໂດຍມີທ່ານ ບຸນເລີດ ຫຼວງປະເສີດ ຮອງປະທານສະພາການຄ້າ ແລະ ອຸດສາຫະກຳແຫ່ງຊາດລາວ ທັງເປັນຫົວຫນ້າຄະນະພັດທະນາທຸລະກິດກະສິກຳ ປະຈຳ ສຄອຊ.

ຕ້ອນຮັບໂດຍທ່ານ ປອ. ພອນປະເສີດ ອິນທະສອນ ປະທານກຸ່ມບໍລິສັດ 3S ພັດທະນາ ຈຳກັດຜູ້ດຽວ ແລະ ທ່ານ ບຸນທ່ຽງ ລັດຕະນະວົງ ຜູ້ບໍລິຫານ ຕະຫລາດບຶງທາດຫຼວງ ໃຫ້ການຕ້ອນຮັບ ພ້ອມທັງລາຍງານຄວາມເປັນມາ, ສະພາບບັນຍາກາດການຄ້າຂາຍ ແລະ ແນວທາງການສົ່ງເສີມການຜະລິດ ແລະ ຊົມໃຊ້ສິນຄ້າທີ່ຜະລິດໄດ້ພາຍໃນປະເທດ ທົດແທນການນຳເຂົ້າຈາກຕ່າງປະເທດ.