ໃນວັນທີ 15 ພະຈິກ 2021ເວລາ 13:00-16:00 ໂມງ ສະພາການຄ້າ ແລະ ອຸດສາຫະກຳ ແຫ່ງຊາດລາວ ຮ່ວມກັບ ສູນການຄ້າສາກົນ International Trade Centre (ICT) ພາຍໃຕ້ໂຄງການ ສົ່ງເສີມທຸລະກິດ ສີຂຽວ(GREEN to COMPETE HUB LAOS) ໄດ້ຈັດຝຶກອົບຮົມ ໃນຫົວຂໍ້ “ວິທີການເຂົ້າຕະຫລາດໂດຍຜ່ານງານວາງສະແດງຢ່າງມືອາຊິບ” ທັງຮູບແບບ ອອນລາຍ ແລະ ອັອບລາຍ ມີບໍລິສັດເຂົົາຮ່ວມທັງໝົດ 46 ບໍລິສັດ

ໃຫ້ກຽດເປັນປະທານໂດຍ ທ່ານ ນາງ ສຸພະພອນ ຄຳແສນນາມ ຮອງ ເລຂາທິການ ສະພາການຄ້າ ແລະ ອຸດສາຫະກຳ ແຫ່ງຊາດລາວ, ໃນການຝຶກອົບຮົມລວມມີທັງໝົດ 3 ຫົວຂໍ້ຫຼັກ ທີ່ກວມເອົາເນື້ອໃນການຖ່າຍຖອດຄວາມຮູ້ ກ່ຽວກັບການສ້າງ ແລະ ນຳສະເໜີທຸລະກິດ ພ້ອມກັບການກຳນົົດກຸ່ມລູກຄ້າໃຫ້ຖືກກັບສີນຄ້າ ແລະ ການບໍລິການ ໂດຍການປັບປຸງ, ອັບເດດ ຂໍ້ມູນບັນດາເອກະສານການຕະຫລາດເຊັ່ນ: ການຫຸ້ມຫໍ່, ການໂຄສະນາ, ການກຳນົດຢຸດທະສາດການຕະຫຼາດທີ່ຖືກຕ້ອງ, ການເຂົ້າເຖິງລູກຄ້າໂດຍລະບົບການໃຊ້ດິຈິຕ້ອນ ແລະ ມີການກຳນົດຮູບແບບການສື່ສານທີ່ຊັດເຈນ ເພື່ອສ້າງຄວາມອາດສາມາດໃນການແຂງຂັນຂອງທຸລະກິດ.