ກອງປະຊຸມຜ່ານບົດຄົ້ນຄວ້າການປະເມີນສະມາຄົມທຸລະກິດ ແລະ ຂໍ້ສະເໜີໃນການປັບປຸງສະມາຄົມທຸລະກິດ, ໃນຕອນເຊົ້າຂອງວັນທີ 05 ກັນຍາ 2022, ທີ່ ສະພາການຄ້າ ແລະ ອຸດສາຫະກຳແຫ່ງຊາດລາວ

ທ່ານ ອຸເດດ ສຸວັນນະວົງ ປະທານ ສະພາການຄ້າ ແລະ ອຸດສາຫະກຳແຫ່ງຊາດລາວ ໃຫ້ກຽດເປັນປະທານ ໃນກອງປະຊຸມ ຈຸດປະສົງແມ່ນເພື່ອນຳສະເໜີ ແລະ ປຶກສາຫາລືກ່ຽວກັບຜົນໄດ້ຮັບຈາກການປະເມີນ ສະມາຄົມທຸລະກິດໃນລາວ ເພື່ອຄວາມເຫັນດີເປັນເອກະພາບຕໍ່ບົດສະຫຼຸບ ແລະ ຂໍ້ສະເໜີຕ່າງໆ ໃນການສ້າງພື້ນຖານພັດທະນາແຜນງານການປັບປຸງສະມາຄົມທຸລະກິດໃນລາວ ລວມໄປເຖິງການປັບປຸງທາງດ້ານລະບຽບການຕ່າງໆ ເພື່ອເຮັດໃຫ້ສະມາຄົມທຸລະກິດໃນ ສປປ ລາວ ມີຄວາມເຂັ້ມແຂງ ແລະ ຍືນຍົງ ປະກອບສ່ວນອັນສຳຄັນໃນການສ້າງສາ ແລະ ພັດທະນາປະເທດຊາດໃຫ້ຈະເລີນຮຸ່ງເຮືອງ.