ກອງປະຊຸມສົນທະນາແລກປ່ຽນກັບພາກທຸລະກິດ ຂອງແຂວງ ໃນການສົ່ງເສີມສະພາບແວດລ້ອມອາຊີວະສຶກສາ ແລະ ຝືກອົບຮົມວິຊາຊີບ, ໃນວັນທີ 24 ພະຈິກ 2022, ທີ່ຫ້ອງປະຊຸມ ສະພາການຄ້າ ແລະ ອຸດສາຫະກຳ ແຂວງຫຼວງພະບາງ.

ທ່ານ ພູໄຊ ເທບພະວົງ, ເລຂາທິການ ສະພາການຄ້າ ແລະ ອຸດສາຫະກຳ ແຫ່ງຊາດລາວ (ສຄອຊ) ເປັນປະທານຮ່ວມ ທ່ານ ຄັດຕະພອນ ພົມມະປັນຍາ, ຮອງປະທານ ສຄອ ຫຼວງພະບາງ ໃນກອງປະຊຸມ ສົນທະນາແລກປ່ຽນກັບພາກທຸລະກິດ ຂອງແຂວງ ໃນການສົ່ງເສີມສະພາບແວດລ້ອມອາຊີວະສຶກສາ ແລະ ຝືກອົບຮົມວິຊາຊີບ ຈຸດປະສົງຂອງກອງປະຊຸມແມ່ນເພື່ອປຶກສາຫາລື ແລະ ເກັບກຳຂໍ້ມູນ, ຖອດຖອນຂໍ້ມູນ-ບົດຮຽນກ່ຽວກັບການຈັດຕັ້ງປະຕິບັດທີ່ດີ ຕະຫຼອດເຖິງແນວທາງ ໃນການແກ້ໄຂ ຊ່ອງຫວ່າງ ແລະ ສິ່ງທ້າທາຍໃນການຈັດຕັ້ງປະຕິບັດ ອາຊີວະສຶກສາແບບຄວບຄູ່ ຈາກມູມມອງ ພາກທຸລະກິດ/ຜູ້ໃຊ້ແຮງງານ ແລະ ສະຖານປະກອບການ. ສຄອຊ ມີຈຸດປະສົງ ນຳໃຊ້ຂໍ້ມູນເຫຼົ່ານີ້ ເພື່ອຮ່າງເອກະສານຈຸດຢຶນ Position Paper ພ້ອມທັງແນວທາງແກ້ໄຂ ກ່ຽວກັບການມີສ່ວນຮ່ວມໃນວຽກງານອາຊີວະສຶກສາ ແລະ ຝຶກອົບຮົມ ວີຊາຊີບ ເອກະສານສະບັບນີ້ ຈະສະຫຼຸບເຖີງປະເດັນທີ່ສຳຄັນ ທີ່ສະຖານປະກອບການປະເຊີນຢູ່ ໃນຂະນະທີ່ໃຫ້ຄວາມຮ່ວມມືຈັດຕັ້ງປະຕິບັດ ອສຄ ຫຼື ການຝຶກອົບຮົມ ວິຊາຊີບອື່ນໆ ພ້ອມທັງງມີແນະນຳມາດຕະການແກ້ໄຂ.