ພິທີເຊັນບົດບັນທຶກຄວາມເຂົ້າໃຈກ່ຽວກັບວຽກງານພາສີ, ໃນວັນທີ 16 ພຶດສະພາ 2023, ທີ່ ສະພາການຄ້າ ແລະ ອຸດສາຫະກຳແຫ່ງຊາດລາວ

ທ່ານ ອຸເດດ ສຸວັນນະວົງ ປະທານ ສະພາການຄ້າ ແລະ ອຸດສາຫະກຳແຫ່ງຊາດລາວ ຮ່ວມກັບ ທ່ານ ພູເຂົາຄຳ ວັນນະວົງໄຊ ຫົວໜ້າກົມພາສີ, ກະຊວງການເງິນ ໃຫ້ກຽດເປັນປະທານໃນພິທີເຊັນບົດບັນທຶກຄວາມເຂົ້າໃຈ ໃນຄັ້ງນີ້; ພ້ອມດຽວກັນນັ້ນມີບັນດາທ່ານ ຄະນະຮອງປະທານ, ຄະນະບໍລິຫານງານ, ຄະນະເລຂາທິການ, ພະນັກງານ ຂອງ ສຄອຊ ແລະ ຫົວໜ້າພະແນກ, ຮອງພະແນກ ແລະ ພະນັກງານ ຂອງກົມພາສີ ແລະ ສະມາຄົມ ກໍ່ໄດ້ເຂົ້້າຮ່ວມໃນພິທີໃນຄັ້ງນີ້ອີກດ້ວຍ

ຈຸດປະສົ່ງຫຼັກຂອງການເຊັນບົດບັນທຶກຄວາມເຂົ້າໃຈ ໃນຄັ້ງນີ້ແມ່ນເພື່ອແລກປ່ຽນຂໍ້ມູນຂ່າວສານ ແລະ ຄໍາຄິດຄຳເຫັນກ່ຽວກັບການຄຸ້ມຄອງວຽກງານພາສີ ແລະ ການຄຸ້ມຄອງການນໍາເຂົ້າ-ສົ່ງອອກສິນຄ້າ ແລະ ວຽກງານອື່ນໆ ທີ່ຕິດພັນທາງດ້ານພາສີ ແນໃສ່ເພື່ອຍົກສູງປະສິດທິພາບ, ປະສິດທິຜົນ ແລະ ຄວາມໂປ່ງໃສໃນການຈັດຕັ້ງປະຕິບັດກົດໝາຍ ແລະ ລະບຽບການ, ຍັງເປັນການແລກປ່ຽນຄໍາຄິດຄໍາເຫັນ ລະຫວ່າງສອງຝ່າຍ ເພື່ອແນໃສ່ປັບປຸງ ການເຄື່ອນໄຫວວຽກງານຂອງແຕ່ລະຝ່າຍໃຫ້ມີຄວາມສະດວກ ແລະ ດີຍີ່ງຂື້ນກວ່າເກົ່າ.