ທ່ານ ພູໄຊ ເທບພະວົງ, ເລຂາທິການ ສະພາການຄ້າ ແລະ ອຸດສາຫະກຳ ແຫ່ງຊາດລາວ(ສຄອຊ) ພ້ອມຄະນະ ຂອງ ສຄອຊ ໄດ້ຕ້ອນຮັບແຂກຈາກ

ມະຫາວິທະຍາໄລ Wuhan, ສປ ຈີນນຳໂດຍ ທ່ານ Zhang Ziyi, ຄະນະບໍດີຂອງ ມະຫາວິທະຍາໄລ Wuhan, ພາກວິຊາວິຊາພົວພັນສາກົນ, ຂອງ ໂຮງຮຽນ ວິທະຍາໄລໂປລີເຕັກນິກ ອູຮັ່ນ (Wuhan, Polytechnic Department of International Relation, International School, HR, Macau and Taiwan Affair office ໃນວັນທີ 22 ພຶດສະພາ 2023, ທີ່ມາຢ້ຽມຢາມ ສູນບໍລິການ ອາຊີວະສຶກສາແບບຄວບຄູ່ (DCTSC) ທີ່ ຫ້ອງປະຊຸມ ສະພາການຄ້າ ແລະ ອຸດສາຫະກຳ ແຫ່ງຊາດລາວ.

ຈຸດປະສົງຂອງການມາຢ້ຽມຢາມ ສະພາການຄ້າ ແລະ ອຸດສາຫະກຳ ແຫ່ງຊາດລາວ ໃນຄັ້ງນີ້ ແມ່ນແລກປ່ຽນບົດຮຽນ ແລະ ຂໍ້ມູນຂອງການຮຽນການສອນ ໃນຮູບແບບອາຊີວະສຶກສາແບບຄວບຄູ່ ທີ່ທາງ ສຄອຊ ໄດ້ຈັດຕັ້ງປະຕິບັດກັບບັນດາວິທະຍາໄລຄູ່ຮ່ວມ ແລະ ການມີສ່ວນຮ່ວມຂອງພາກເອກະຊົນ (ສະຖານປະກອບການ) ແລະ ແລກປ່ຽນຂໍ້ມູນທາງດ້ານການສົ່ງເສີມການສຶກສາ ຂອງ ສອງຝ່າຍ ແລະ ການຮ່ວມມືໃນຕໍ່ໜ້າ.