ກອງປະຊຸມເຜີຍແຜ່ນິຕິກຳກ່ຽວກັບການຈັດຕັ້ງປະຕິບັດວຽກງານທະບຽນວິສາຫະກິດ, ໃນວັນທີ 20 ມີນາ 2024, ທີ່ຫ້ອງປະຊຸມ ກະຊວງອຸດສາຫະກຳ ແລະ ການຄ້າ.

ທ່ານ ປອ ໄຊບັນດິດ ຣາດຊະພົນ ຮອງປະທານ ສະພາການຄ້າ ແລະ ອຸດສາຫະກຳ ແຫ່ງຊາດລາວ ໄດ້ເຂົ້າຮ່ວມກອງປະຊຸມເຜີຍແຜ່ນິຕິກຳກ່ຽວກັບການຈັດຕັ້ງປະຕິບັດວຽກງານທະບຽນວິສາຫະກິດ ພາຍໃຕການເປັນປະທານ ຂອງ ທ່ານ ຈັນສຸກ ແສງພະຈັນ ຮອງລັດຖະມົນຕີ ກະຊວງອຸດສາຫະກຳ ແລະ ການຄ້າ ກອງປະຊຸມດັ່ງກ່າວໄດ້ນຳສະເໜີ ແລະ ມີຈຸດແລກປ່ຽນ 8 ຈຸດຫຼັກ

+ການຂຶ້ນທະບຽນສ້າງຕັ້ງວິສາຫະກິດ ແມ່ນປະຕິບັດເປັນເອກະພາບ ໃນຂອບເຂດທົ່ວປະເທດ ຖືເປັນການແຈ້ງເກີດຂອງວິສາຫະກິດ ຊຶ່ງບໍ່ສາມາດດໍາເນີນທຸລະກິດໄດ້ເທື່ອ ແລະ ບໍ່ແມ່ນໃບອະນຸຍາດລົງທຶນ / ໃບອະນຸຍາດດໍາເນີນທຸລະກິດ ໂດຍຖືເປັນໃບຢັ້ງຢືນການສ້າງຕັ້ງວິສາຫະກິດ (ສ່ວນບຸກຄົນ ຫຼື ນິຕິບຸກຄົນ) ຖືກຕ້ອງຕາມກົດໝາຍ ແລະ ຕ້ອງໄດ້ຂໍໃບອະນຸຍາດດຳເນີນທຸລະກິດກັບຂະແໜງການທີ່ກ່ຽວຂ້ອງຈື່ງສາມາດດຳເນີນທຸລະກິດໄດ້

+ຊື່ວິສາຫະກິດ ແມ່ນຊື່ທີ່ວິສາຫະກິດນໍາໃຊ້ແຕ່ວັນໄດ້ຮັບການສ້າງຕັ້ງວິສາຫະກິດ ຕາມກົດໝາຍ ຫາກຊື່ວິສາຫະກິດໃດໜຶ່ງ ບໍ່ສອດຄ່ອງກັບກົດໝາຍ ຂະແໜງການກ່ຽວຂ້ອງ ສາມາດສະເໜີຫາ ຈທວ (ເພື່ອແຈ້ງໃຫ້ ວິສາຫະກິດ ປ່ຽນຊື່ວິສາຫະກິດດັ່ງກ່າວ). ກໍລະນີ ວິສາຫະກິດບໍ່ມາປ່ຽນແປງຊື່ວິສາຫະກິດຂອງຕົນ ຈທວ ຈະໂຈະການນໍາໃຊ້ໃບທະບຽນວິສາຫະກິດ.ຈົນຮອດວັນສິ້ນສຸດການເປັນວິສາຫະກິດ

+ການປ່ຽນແປງເນື້ອໃນໃບທະບຽນວິສາຫະກິດ ຕ້ອງແຈ້ງ ຈທວ ພາຍໃນ 30 ວັນ ນັບແຕ່ວັນທີ່ມີການຕົກລົງເປັນຕົ້ນໄປ (ເປັນຕົ້ນ ປ່ຽນແປງ ຊື່ວິສາຫະກິດ, ເພີ່ມ ຫຼື ຫຼຸດທຶນຈົດທະບຽນ, ຮູບການ/ຮູບແບບວິສາຫະກິດ, ຜູ້ຈັດການ, ຜູ້ອໍານວຍການ, ຍ້າຍທີ່ຕັ້ງສໍານັກງານ, ເຈົ້າຂອງວິສາຫະກິດ, ຂາຮຸ້ນ, ຜູ້ຖືຮຸ້ນ)

+ການຍຸບເລີກວິສາຫະກິດ

-ການຍຸບເລີກວິສາຫະກິດສ່ວນບຸກຄົນ:

-ຊໍາລະສະສາງໃຫ້ຖືກຕ້ອງ ແລະ ຄົບຖ້ວນກ່ອນ;

-ແຈ້ງຈທວ ທີ່ກ່ຽວຂ້ອງ ລຶບຊື່ວິສາຫະກິດ.

+ການຍຸບເລີກວິສາຫະກິດຮຸ້ນສ່ວນ ແລະ ບໍລິສັດ:

-ແຈ້ງການຍຸບເລີກຕໍ່ ຈທວ ທີ່ກ່ຽວຂ້ອງ

-ດຳເນີນການຊໍາລະສະສາງໃຫ້ຖືກຕ້ອງ ແລະ ຄົບຖ້ວນ;

-ແຈ້ງ ຈທວ ລຶບຊື່ວິສາຫະກິດ.

+ການໂຈະການນໍາໃຊ້ໃບທະບຽນວິສາຫະກິດ ມາດຕະການຂອງເຈົ້າໜ້າທີ່ທະບຽນວິສາຫະກິດ ນຳໃຊ້ຕໍ່ວິສາຫະກິດ ທີ່ລະເມີດກົດໝາຍ ແລະ ລະບຽບການທີ່ກ່ຽວຂ້ອງ ໃນກໍລະນີ:

ຕາມການສະເໜີຂອງຂະແໜງການສ່ວຍສາອາກອນ

ຊື່ວິສາຫະກິດໃດໜຶ່ງ ບໍ່ສອດຄ່ອງກັບກົດໝາຍ ແລະ ລະບຽບການຂອງຂະແໜງການກ່ຽວຂ້ອງ

+ການລົບລ້າງໃບທະບຽນວິສາຫະກິດ ໃນກໍລະນີ:

-ໃບທະບຽນວິສາຫະກິດເດີມ ທີ່ເປື້ອນ, ຈີກຂາດ, ເສຍຫາຍ;

-ມີການອອກໃບທະບຽນວິສາຫະກິດຊໍ້າຊ້ອນ

-ໃນກໍລະນີປ່ຽນແປງເນື້ອໃນໃບທະບຽນວິສາຫະກິດ ຫຼື ຍຸບເລີກວິສາຫະກິດ.

+ການຄຸ້ມຄອງວິສາຫະກິດ ຂະແໜງການອຸດສາຫະກຳ ແລະ ການຄ້າ (ຈທວ) ແມ່ນຄຸ້ມຄອງການຈັດຕັ້ງທຸລະກິດ ຕາມໃບທະບຽນວິສາຫະກິດ. ມີທັງໝົດ 173 ຈຸດ ແຂວງ 18 ຈຸດ ເມືອງ 149 ຈຸດ ເຂດເສດຖະກິດພິເສດ 6 ຈຸດ

+ຖານຂໍ້ມູນວິສາຫະກິດແຫ່ງຊາດ ເຊື່ອມສານຂໍ້ມູນວິສາຫະກິດແຫ່ງຊາດ ກັບ:

-ລະບົບຂໍ້ມູນສ່ວຍສາອາກອນ ເພື່ອໃຫ້ຕົວເລກວິສາຫະກິດ ແລະ ຕົວເລກອາກອນ ກົງກັນ

(ພ້ອມທັງຫັນເປັນຕົວເລກດຽວກັນ);

-ຂະແໜງການກ່ຽວຂ້ອງ ເພື່ອເກັບກໍາຂ້ໍມູນກ່ຽວກັບໃບອະນຸຍາດດໍາເນີນທຸລະກິດ