ພິທີເປີດງານສະເຫຼີມສະຫຼອງວັນ ຈຸນລະວິສາຫະກິດ, ວິສາຫະກິດຂະໜາດນ້ອຍ ແລະ ກາງ ສາກົນປະຈຳປີ 2024 ພາຍໃຕຫົວຂໍ້: ສົ່ງເສີມນະວັດຕະກຳ ແລະ ຄວາມເຂັ້ມແຂງ ສ້າງຄວາມເຂັ້ມແຂງໃຫ້ MSME ເພື່ອອະນາຄົດທີ່ຍືນຍົງ

ໃນວັນທີ 24 ມິຖຸນາ 2024, ທີ່ ໂຮງແຮມລາວພລາຊາ, ນະຄອນຫລວງວຽງຈັນ.

ທ່ານ ດາວວອນ ພະຈັນທະວົງ ຮອງປະທານ ສະພາການຄ້າ ແລະ ອຸດສາຫະກຳແຫ່ງຊາດລາວ, ໄດ້ໃຫ້ກຽດເປັນປະທານຮ່ວມໃນງານ ສະເຫຼີມສະຫຼອງວັນຈຸນລະວິສາຫະກິດ ວິສາຫະກິດຂະໜາດນ້ອຍ ແລະ ກາງ ສາກົນປະຈຳປີ 2024, ເຊິ່ງຈຸດປະສົ່ງຂອງງານໃນຄັ້ງນີ້ແມ່ນເພື່ອເປັນການສົ່ງເສີມບົດບາດຄວາມສຳຄັນຂອງ MSME ໃນການພັດທະນາ ເສດຖະກິດ-ສັງຄົມ, ການສ້າງວຽກເຮັດງານທຳ ແລະ ແລກປ່ຽນບົດຮຽນການສົ່ງເສີມ MSMEs ໃນພາກພື້ນ ກ່ຽວກັບການຫັນເປັນດິຈິຕອນ, ການຫັນເປັນສີຂຽວ ແລະ ການປັບໂຕການດຳເນີນທຸລະກິດໃນສະພາບການປ່ຽນແປງໄວຂອງໂລກ.