ທ່ານ ປອ. ໄຊບັນດິດ ຣາຊະພົນ ຮອງປະທານ ສະພາການຄ້າ ແລະ ອຸດສາຫະກໍາ ແຫ່ງຊາດລາວ ເປັນປະທານຮ່ວມ ແລະ ໃຫ້ກຽດຮ່ວມເປັນປະທານໃນທີ່ປະຊຸມຄັ້ງນີ້ໂດຍ ທ່ານ ນາງ ໃບຄຳ ຂັດທິຍະ, ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ, ທ່ານ ວິໄລ ວົງຂະເສີມ, ຮອງປະທານ ສູນກາງສະຫະພັນກໍາມະບານລາວ ແລະ ໃຫ້ກຽດເຂົ້າຮ່ວມກອງປະຊຸມ ໂດຍ ຄະນະນໍາ ແລະ ກອງເລຂາຄະນະກໍາມະການແຮງງານແຫ່ງຊາດ, ຄະນະບໍລິຫານງານ ສຄອຊ, ຄະນະກຳມະການ ຜູ້ໃຊ້ແຮງງານ, ປະທານ ສະມາຄົມ ທຸລະກິດ ຕ່າງໆ ລວມທັງໝົດ 42ທ່ານ, ຍິງ 15ທ່ານ

ຈຸດປະສົງຂອງກອງປະຊຸມດັ່ງກ່າວແມ່ນເພື່ອປືກສາຫາລືວຽກງານສາມຝ່າຍ ໃນການ ຊຸກຍູ້, ສົ່ງເສີມ, ແກ້ໄຂ ບັນຫາດ້ານແຮງງານ ແລະ ປົກປ້ອງສິດຜົນປະໂຫຍດອັນຊອບທໍາ ຂອງຜູ້ໃຊ້ແຮງງງານ ແລະ ຜູ້ອອກແຮງງານ ໃນຕະຫຼາດແຮງງານ ໂດຍປະຕິບັດ ລະບຽບ-ກົດໝາຍ ໃຫ້ຖືກຕ້ອງ ໄປຕາມແຕ່ລະໄລຍະ ການຂະຫຍາຍໂຕ ຂອງເສດຖະກິດ ໂດຍສະເພາະແມ່ນ ໃຫ້ໄດ້ຮັບ ການປົກປ້ອງທາງສັງຄົມ ເພື່ອສ້າງສາຍພົວພັນແຮງງານທີ່ດີ ໃນສະຖານທີ່ເຮັດວຽກ ແລະ ສ້າງວຽກເຮັດງານທໍາ ທີ່ມີຄຸນຄ່າ ແລະ ເປັນທໍາໃນ ສປປ ລາວ.