ສຄອຊ ໄດ້ເຂົ້າພົບປະ ແລະ ອວຍພອນປີໃໝ່ ບໍລິສັດ ກຸ່ມຫົງຢວນ ຈໍາກັດ ໃນນາມສະມາຊິກ ຜູ້ຊົງຄຸນວຸດທິ ສຄອຊ.
ນະຄອນຫຼວງວຽງຈັນ, 26 ກຸມພາ 2026 — ສະພາການຄ້າ ແລະ ອຸດສາຫະກຳແຫ່ງຊາດລາວ (ສຄອຊ) ນຳໂດຍ ທ່ານ ທະນົງສິນ ກັນລະຍາ ຮອງປະທານ ສຄອຊ ໄດ້ເຂົ້າພົບປະ ແລະ ອວຍພອນປີໃໝ່ ບໍລິສັດ ກຸ່ມຫົງຢວນ ຈໍາກັດ ໃນນາມສະມາຊິກ ຜູ້ຊົງຄຸນວຸດທິ ສຄອຊ.
ໃນໂອກາດດຽວກັນ, ທາງ ບໍລິສັດ ກຸ່ມຫົງຢວນ ຈໍາກັດ ຍັງໄດ້ລາຍງານເຖິງຜົນສຳເລັດຂອງການດຳເນີນທຸລະກິດ ແລະ ຍຸດທະສາດຂອງບໍລິສັດ ທີ່ໄດ້ປະກອບສ່ວນຢ່າງຕັ້ງໜ້າເຂົ້າໃນການສ້າງສາ ແລະ ພັດທະນາເສດຖະກິດ-ສັງຄົມ ຂອງ ສປປ ລາວ ໃຫ້ມີການຂະຫຍາຍຕົວຢ່າງຕໍ່ເນື່ອງ.
ທຸລະກິດຫຼັກ ຂອງບໍລິສັດ ກຸ່ມຫົງຢວນ ຈໍາກັດ ປະກອບມີ : ຂະແຫນງບໍແຮ່, ຂະແຫນງ ວິສະວະກໍາ, ກໍ່ສ້າງເຄຫາ ແລະ ຂົວທາງ, ໂຮງງານຜະລິດຄອນກີດ, ໂຮງງານຜະລິດວັດສະດຸກໍ່ສ້າງ, ຂະແຫນງກະສິກໍາ, ໂຮງງານຜະລິດແປ້ງມັນຕົ້ນ, ໂຮງແຮມ ແລະ ຮ້ານອາຫານ, ອະສັງຫາລິມະຊັບ, ການຄ້າສາກົນ, ລົດໄຟຟ້າກົນຈັກຫນັກ, ການບໍລິການເປັນຕົ້ນ.