ກອງປະຊຸມ 3 ຝ່າຍລະດັບສູງ ຄົ້ນຄວ້າປຶກສາຫາລື ກ່ຽວກັບການປັບປຸງຄ່າແຮງງານຕໍ່າສຸດ ວັນທີ 26 ມັງກອນ 2018 ນະຄອນຫຼວງວຽງຈັນ

ກອງປະຊຸມ 3 ຝ່າຍລະດັບສູງ ຄົ້ນຄວ້າປຶກສາຫາລື ກ່ຽວກັບການປັບປຸງຄ່າແຮງງານຕໍ່າສຸດ ວັນທີ 26 ມັງກອນ 2018 ນະຄອນຫຼວງວຽງຈັນ

ໃນວັນທີ 26 ມັງກອນ 2018 ນະຄອນຫຼວງວຽງຈັນ ກະຊວງແຮງງານ ແລະ ສະຫວັດດີການສັງຄົມ, ສູນກາງສະຫະພັນກໍາມະບານ ແລະ ສະພາການຄ້າ ແລະ ອຸດສາຫະກຳ ແຫ່ງຊາດລາວ ໄດ້ຮ່ວມກັນຈັດກອງປະຊຸມ 3 ຝ່າຍລະດັບຊາດຂຶ້ນເມື່ອທ້າຍອາທິດຜ່ານມາທີ່ນະຄອນຫລວງວຽງຈັນ.

ເພື່ອຄົ້ນຄວ້າປຶກສາຫາລືກ່ຽວກັບການປັບປຸງຄ່າແຮງງານຕໍ່າສຸດ,ໂດຍການປະທານຮ່ວມຂອງ ທ່ານ ຄຳແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ, ທ່ານ ສີມູນ ອຸ່ນລາສີ ຮອງປະທານສູນກາງສະຫະພັນກຳມະບານລາວ ແລະ ທ່ານ ວັນທອງ ສິດທິກຸນ ຮອງປະທານສະພາການຄ້າ ແລະ ອຸດສາຫະກຳ ແຫ່ງຊາດລາວ, ມີຜູ້ຕາງໜ້າຈາກຂະແໜງການກ່ຽວຂ້ອງຕ່າງໆເຂົ້າຮ່ວມນໍາດ້ວຍ. 

ກອງປະຊຸມໄດ້ຄົ້ນຄວ້າປຶກສາຫາລື ກ່ຽວກັບການປັບປຸງຄ່າແຮງງານຕໍ່າສຸດ, ໂດຍສູນກາງສະຫະພັນກຳມະບານລາວໄດ້ສະເໜີຄ່າແຮງງານຂັ້ນຕໍ່າສຸດໃໝ່ແມ່ນ 1,200,000 ກີບ ຕໍ່ຄົນຕໍ່ເດືອນ ຫລື ເພີ່ມຂຶ້ນຈາກເດີມ 33,33%, ທຽບໃສ່ຄ່າແຮງງານຂັ້ນຕໍ່າສຸດປີ 2015, ສ່ວນສະພາການຄ້າ ແລະ ອຸດສາຫະກຳແຫ່ງຊາດລາວສະເໜີປັບຂຶ້ນຄ່າແຮງງານຂັ້ນຕໍ່າໃຫ້ຢູ່ໃນລະດັບບໍ່ເກີນ 1,000,000 ກີບ ຕໍ່ຄົນຕໍ່ເດືອນ ຫລື ເພີ່ມຂຶ້ນຈາກເດີມ 11,11% ທຽບໃສ່ປີ 2015 ແລະ ກະຊວງແຮງງານສະເໜີປັບຂຶ້ນຄ່າແຮງງານຂັ້ນຕໍ່າສຸດໃນລະດັບ 1,100,000 ກີບ ຕໍ່ຄົນຕໍ່ເດືອນ ເພີ່ມຂຶ້ນ 22,22%, ເຊິ່ງຜົນຂອງກອງປະຊຸມໃນຄັ້ງນີ້, ກະຊວງແຮງງານ ແລະ ສະຫວັດດີການສັງຄົມ ແມ່ນຈະໄດ້ນໍາສະເໜີຕໍ່ລັດຖະບານ ເພື່ອພິຈາລະນາ ແລະ ກຳນົດເອົາຕົວເລກຄ່າແຮງງານຂັ້ນຕໍ່າສຸດທີ່ຈະປັບປຸງໃໝ່ໃຫ້ເໝາະສົມ ເພື່ອອະນຸມັດພິຈາລະນານຳໃຊ້ໃນຂັ້ນຕໍ່ໄປ.

ຂອບໃຈຂ່າວຈາກ ເພຈ: ຂ່າວສານ ແຮງງານ ແລະ ສະຫວັດດີການສັງຄົມ

Related Posts

ກອງປະຊຸມ ນະຄອນມິດຕະພາບສາກົນ ສປ ຈີນ 2024

ກອງປະຊຸມ ນະຄອນມິດຕະພາບສາກົນ ສປ ຈີນ 2024

ໃນວັນທີ 18 ພະຈິກ 2024 ເວລາ 15:00 ທ່ານ ທະນູສອນ ພົນອາມາດ ພ້ອມຄະນະໄດ້ເຂົ້າຮ່ວມກອງປະຊຸມ ນະຄອນມິດຕະພາບສາກົນ ສປ ຈີນ, ເຊິ່ງຮ່ວມຈັດໂດຍ ສະມາຄົມມິດຕະພາບສາກົນປະຊາຊົນຈີນ,…Read more
ກອງປະຊຸມ ນະຄອນມິດຕະພາບສາກົນ ສປ ຈີນ 2024

ກອງປະຊຸມ ນະຄອນມິດຕະພາບສາກົນ ສປ ຈີນ 2024

ໃນວັນທີ 18 ພະຈິກ 2024 ເວລາ 15:00 ທ່ານ ທະນູສອນ ພົນອາມາດ ພ້ອມຄະນະໄດ້ເຂົ້າຮ່ວມກອງປະຊຸມ ນະຄອນມິດຕະພາບສາກົນ ສປ ຈີນ, ເຊິ່ງຮ່ວມຈັດໂດຍ ສະມາຄົມມິດຕະພາບສາກົນປະຊາຊົນຈີນ,…Read more
ຝຶກອົບຮົມຫົວຂໍ້ ‘‘ຄູຝຶກຂອງສະຖານປະກອບການ (In-Company Trainer Training)’’

ຝຶກອົບຮົມຫົວຂໍ້ ‘‘ຄູຝຶກຂອງສະຖານປະກອບການ (In-Company Trainer Training)’’

ສະພາການຄ້າ ແລະ ອຸດສາຫະກຳ ແຫ່ງຊາດລາວ(ສຄອຊ) ໄດ້ຈັດຝຶກອົບຮົມສ້າງຄວາມເຂັ້ມແຂງ ໃຫ້ສະມາຊິກ ຂອງ ສຄອ ແຂວງ ຜ່ານການຈັດຕັ້ງການຝຶກອົບຮົມຫົວຂໍ້…Read more

Enter your keyword