ແຈ້ງການເຖິງ ບັນດາຫົວໜ່ວຍທຸລະກິດ ແລະ ສະມາຊິກ ສຄອ ແຫ່ງຊາດລາວ.

ສະພາການຄ້າ ແລະ ອຸດສາຫະກຳ ແຫ່ງຊາດລາວ ໃນນາມຕ່າງໜ້າຜູ້ໃຊ້ແຮງງານ ແລະ ພາກທຸລະກິດ ຂໍຖືເປັນກຽດ ສະເໜີມາຍັງທ່ານ ຊ່ວຍສະໜອງຕຳແໜ່ງງານວ່າງຂອງບໍລິສັດທ່ານທີ່ຕ້ອງການ ລົງໃນລະບົບຂໍ້ມູນຂ່າວສານຕະຫຼາດແຮງງານ (www.lmi.molsw.gov.la ສາມາດສຶກສາ ຂັ້ນຕອນການນໍາໃຊ້ໃນປື້ມຄູ່ມື ທີ່ມີຢູ່ໃນເວບໄຊດັ່ງກ່າວ), ເພື່ອຊ່ວຍຫົວໜ່ວຍທຸລະກິດໄດ້ແຮງງານຕາມຄວາມຕ້ອງການ ແລະ ເພື່ອເປັນຂໍ້ມູນໃຫ້ແກ່ຜູ້ວ່າງງານທີ່ໄດ້ລົງທະບຽນໃນລະບົບຂໍ້ມູນຂ່າວສານຕະຫຼາດແຮງງານ ໄດ້ມີວຽກເຮັດງານທຳ, ເຊິ່ງລະບົບດັ່ງກ່າວ ເລີ່ມປະກາດນຳໃຊ້ໃນນະຄອນຫຼວງວຽງຈັນ ແຕ່ວັນທີ 02 ກໍລະກົດ 2018 ເປັນຕົ້ນມາ, ເຊິ່ງປັດຈຸບັນມີຜູ້ວ່າງງານມາລົງທະບຽນໃນລະບົບຈໍານວນ 100 ກວ່າຄົນ.