ສະພາການຄ້າ ແລະ ອຸດສາຫະກຳແຫ່ງຊາດລາວ ໄດ້ເລີ້ມຈັດຕັ້ງປະຕິບັດໂຄງການ ສົ່ງເສີມການພັດທະນາ ການຄ້າແບບຍືນຍົງ ໃນ ສປປ ລາວ, Trade For Sustainable Development (T4SD) Hub Laos

ໄດ້ເລີ້ມຕົ້ນຈັດຕັ້ງປະຕິບັດແຕ່ເດືອນ 7 ປີ 2019 ເປັນຕົ້ນມາ ໂດຍການ ສະໜັບສະໜູນຈາກ ສູນການຄ້າສາກົນ ( International Trade Center ) ITC ໂດຍໂຄງການ (T4SD) Hub Laos ຈະເນັ້ນຝຶກອົລຮົມດ້ານວິຊາການໃຫ້ພາກທຸລະກິດ ໃນ 2 ຫຼັກສູດຄື:
1. ກຳນົດມາດຕະຖານຄຸນນະພາບສາກົນແບບຍືນຍົງ Voluntary Sustainability Standards module (VSS)
2. ການກຳນົດສິນຄ້າ ແລະ ຊ່ອງທາງການຕະຫຼາດ Positioning of Products on International Markets

ໃນວັນທີ 17 ມິຖຸນາ 2020 ໄດ້ມີພິທີມອບໃບຢັ້ງຢືນໃຫ້ແກ່ບໍລິສັດທີ່ສຳເລັດການເຂົ້າຮ່ວມຝຶກອົບຮົມໃນຫຼັກສູດ ກຳນົດມາດຕະຖານຄຸນນະພາບສາກົນແບບຍືນຍົງ Voluntary Sustainability Standards module (VSS) ໃນ 03 ຂະແໜງການ ຄື: ຊາ, ກາເຟ ແລະ ເຂົ້າ ລວມມີ 15 ບໍລິສັດ. ຫຼັກສູດ ນີ້ແມ່ນເພື່ອຊ່ວຍຜູ້ປະກອບການ ຫຼື ວິສາຫະກິດ ສາມາດເຂົ້າໃຈເຖິງຂະບວນການ ແລະ ຂັ້ນຕອນຕ່າງໆ ກ່ຽວກັບມາດຕະຖານສາກົນໃນກອບເງື່ອນໄຂ ທີ່ອົງການຮັບຮອງຂອງມາດຕະຖານສາກົນໄດ້ກຳນັດໄວ້ ເຊັ່ນ: ມາດຕະຖານສິນຄ້າປອດສານພິດ (Organic); ການຄ້າທີເປັນທຳ (Fairtrade) ແລະ ອື່ນໆ.

ໃນມື້ດຽວກັນກໍ່ໄດ້ສືບຕໍ່ເປີດ ຫຼັກສູດທີ່ 2 ຄື ຫຼັກສູດ ການກຳນົດສິນຄ້າ ແລະ ຊ່ອງທາງການຕະຫຼາດ Positioning of Products on International Markets, ສຳລັບຫົວຂໍ້ທີ່ 2 ນີ້ທ່ານໃດສົນໃຈ ສາມາດພົວພັນໄດ້ທີ່ ສະພາການຄ້າ ແລະ ອຸດສາຫະກຳ ແຫ່ງຊາດລາວ ພະແນກ ພັດທະນາທຸລະກິດ ແລະ ວາງສະແດງ