ໃນຕອນບ່າຍຂອງ ວັນທີ 12 ພະຈິກ 2020 ທີ່ ຫ້ອງປະຊຸມ ສະພາການຄ້າ ແລະ ອຸດສາຫະກຳແຫ່ງຊາດລາວ ໄດ້ມີກອງປະຊຸມປືກສາຫາລື ພາຍໃນກ່ຽວກັບ ການແຕ່ງຕັ້ງຄະນະພັດທະນາ ທຸລະກິດກະສິກໍາປະຈໍາ ສຄອຊ ໂດຍການເປັນປະທານ ຂອງ ທ່ານ ບຸນເລີດ ຫລວງປະເສີດ ຮອງປະທານ ສະພາການຄ້າ ແລະ ອຸດສາຫະກຳແຫ່ງຊາດລາວ.

ຈຸດປະສົງໃນການປຶກສາຫາລືສ້າງຕັ້ງຄະນະດັ່ງກ່າວ ເພື່ອແນ່ໃສ່ເປົ້າໝາຍໃນການ ເປັນຜູ້ປະສານງານ ອຳນວຍຄວາມສະດວກສົ່ງເສີມທຸລະກິດກະສິກຳ, ສ້າງຖານຂໍ້ມູນຂ່າວສານເພື່ອສະໜອງໃຫ້ແກ່ທຸລະກິດກະສິກຳ, ການໃຫ້ຄຳປືກສາ ແລະ ຄຳແນະນຳແກ່ທຸລະກິດກະສິກຳ ໃນດ້ານການຕະຫຼາດ, ການເຂົ້າຫາແຫລງທືນ ແລະ ອື່ນໆ.