ພິທີການປະກາດສ້າງຕັ້ງ ແລະ ແຕ່ງຕັ້ງຄະນະບໍລິຫານງານສະພາການຄ້າແລະອຸດສາຫະກຳເມືອງສັງທອງ, ໃນວັນທີ 27 ທັນວາ 2022, ທີ່ ສະໂມສອນເມືອງສັງທອງ ນະຄອນຫຼວງວຽງຈັນ.

ທ່ານ ດາວວອນ ພະຈັນທະວົງ ຮອງປະທານ ສະພາການຄ້າ ແລະ ອຸດສາຫະກຳແຫ່ງຊາດລາວ ໄດ້ໃຫ້ກຽດຮ່ວມເປັນປະທານໃນ ພິທີການ ປະກາດສ້າງຕັ້ງ ແລະ ແຕ່ງຕັ້ງຄະນະບໍລິຫານງານ ສະພາການຄ້າ ແລະ ອຸດສາຫະກຳ ເມືອງສັງທອງ ຊື່ງໄດ້ສ້າງຕັ້ງເປັນເມືອງທີ 09 ແລະ ເປັນເມືອງສຸດທ້າຍ ຂອງນະຄອນຫຼວງວຽງຈັນ ໂດຍໃຫ້ກຽດເປັນປະທານຮ່ວມ ຂອງທ່ານພົງສະຫວັນ ສິລິພັນ ຄະນະພັກນະຄອນຫຼວງ ເລຂາພັກເມືອງ ເຈົ້າເມືອງສັງທອງ ທ່ານສັງຄົມ ຈັນສຸກ ຮອງປະທານ ສະພາການຄ້າ ແລະ ອຸດສາຫະກຳແຫ່ງຊາດລາວ , ປະທານ ສະພາການຄ້າ ແລະ ອຸດສາຫະກຳ ນະຄອນຫລວງວຽງຈັນ, ທ່ານນັນຕາ ສານຸວົງ ຮອງຫົວໜ້າພະແນກ ອຸດສາຫະກຳ ແລະ ການຄ້ານະຄອນຫຼວງວຽງຈັນ ແລະ ບັນດາການນຳເມືອງ, ເລຂາພັກບ້ານ, ນາຍບ້ານ, ບັນດາທ່ານຄະນະບໍລິຫານງານ ສຄອຊ, ສຄອ.ນວ, ສຄອ.ມ ບັນດາຜູ້ປະກອບການ ນັກທຸລະກິດພາຍໃນເມືອງສັງທອງ ເຂົ້າຮ່ວມຢ່າງພ້ອມພຽງ.

ການສ້າງຕັ້ງ ແລະ ແຕ່ງຕັ້ງຄະນະບໍລິຫານງານສະພາການຄ້າແລະອຸດສາຫະກຳເມືອງສັງທອງມີດັ່ງນີ້:

ທ່ານ ຄຳອ້ວນ ພະລາກົມ ເປັນປະທານ ສະພາການຄ້າ ແລະ ອຸດສາຫະກຳ ເມື່ອງສັງທອງ

ທ່ານ ທອງໄລ ຈັນມະວົງ ເປັນຮອງປະທານ ສະພາການຄ້າ ແລະ ອຸດສາຫະກຳ ເມື່ອງສັງທອງ

ທ່ານ ຈັນທະໜອມ ບຸນສົມຫວັງ ເປັນຮອງປະທານ ສະພາການຄ້າ ແລະ ອຸດສາຫະກຳ ເມື່ອງສັງທອງ

ທ່ານ ຈິນດາ ເພັງພຸດທະວົງ ເປັນຮອງປະທານ ສະພາການຄ້າ ແລະ ອຸດສາຫະກຳ ເມື່ອງສັງທອງ

ທ່ານ ລາພອນ ເປັນຮອງປະທານ ສະພາການຄ້າ ແລະ ອຸດສາຫະກຳ ເມື່ອງສັງທອງ

ແລະ ຄະນະຈຳນວນ 10 ທ່ານ.