ປະທານ ສະພາການຄ້າ ແລະ ອຸດສາຫະກຳແຫ່ງຊາດລາວ, ຕອນຮັບການມາພົບປະຢ້ຽມຢາມ ຂອງຜູ້ອຳນວຍການອົງການແຮງງານສາກົນ ໃນວັນທີ 09 ເມສາ 2024, ທີ່ຫ້ອງຮັບແຂກຂອງ ສະພາການຄ້າ ແລະ ອຸດສາຫະກຳ ແຫ່ງຊາດລາວ

ທ່ານ ອຸເດດ ສຸວັນນະວົງ, ປະທານ ສະພາການຄ້າ ແລະ ອຸດສາຫະກຳ ແຫ່ງຊາດລາວ (ສຄອຊ), ພ້ອມຄະນະບໍລິຫານງານ ສຄອຊ ແລະ ທີມງານພະແນກການທີ່ກ່ຽວຂ້ອງ ໄດ້ຕ້ອນຮັບການມາພົບປະຢ້ຽມຢາມ ຂອງ ທ່ານ ນາງ Xiaoyan Qian, ຜູ້ອໍານວຍການອົງການແຮງງານສາກົນ, (Director of the ILO Country office for Thailand, Cambodia and Lao PDR) ເຊິງເປັນຜູ້ຮັບຜິດຊອບ ສປປ ລາວ, ປະເທດໄທ ແລະ ປະເທດ ກຳປູເຈຍ ພ້ອມຜູ້ປະສານງານອົງການແຮງງານສາກົນປະຈຳ ສປປ ລາວ ແລະ ທີມງານ ຕິດຕາມເຂົ້າຮ່ວມ

ຈຸດປະສົງຂອງການມາຢ້ຽມຢາມໃນຄັ້ງນີ້ ແມ່ນເພື່ອປືກສາຫາລື, ແລກປ່ຽນ ພ້ອມກັບລາຍງານກ່ຽວກັບວຽກງານໃນໄລຍະຜ່ານມາ ແລະ ປືກສາຫາລືໃນການຮ່ວມມືໃນແຜນງານຕໍ່ໜ້າ ໂດຍສະເພາະການມີສ່ວນຮ່ວມຂອງ ສະພາການຄ້າ ແລະ ອຸດສາຫະກຳ ແຫ່ງຊາດລາວ ໃນນາມຕາງໜ້າຜູ້ໃຊ້ແຮງງານ.