ກອງປະຊຸມ ຫົວຂໍ້ ການພັດທະນາການໃຫ້ບໍລິການ ດ້ານວຽກງານອາຊີວະສຶກສາ “Developing new services for the modernization of TVET systems in Cambodia, Indonesia, Laos and Vietnam” ໃນລະຫວ່າງວັນທີ 13 ຫາ 14 ຕຸລາ 2022, ທີ່ ນະຄອນຫຼວງຮ່າໂນ້ຍ, ປະເທດຫວຽດນາມ.

ທ່ານ ພູໄຊ ເທບພະວົງ, ເລຂາທິການ ສະພາການຄ້າ ແລະ ອຸດສາຫະກຳແຫ່ງຊາດລາວ (ສຄອຊ) ພ້ອມດ້ວຍ ຫົວໜ້າພະແນກ ເຊື່ອມໂຍງພາກພື້ນ ແລະ ສົ່ງເສີມການລົງທຶນ ແລະ ຫົວໜ້າ ສູນບໍລິການ ອາຊີວະສຶກສາແບບຄວບຄູ່ (DCT SC) ເຂົ້າຮ່ວມກອງປະຊຸມ ຫົວຂໍ້ ການພັດທະນາການໃຫ້ບໍລິການ ດ້ານວຽກງານອາຊີວະສຶກສາ “Developing new services for the modernization of TVET systems in Cambodia, Indonesia, Laos and Vietnam” ໂດຍມີຜູ້ເຂົ້າຮ່ວມາຈາກ ປະເທດລາວ (LNCCI), ກໍາປູເຈຍ (YEAC), ຫວຽດນາມ (VCCI) ແລະ ອິນໂດເນເຊຍ (EduKadin and METI)

ຈຸດປະສົງຂອງກອງປະຊຸມໃນຄັ້ງນີ້ແມ່ນເພື່ອ:

• ສົນທະນາແລກປ່ຽນກ່ຽວກັບຂັ້ນຕອນ, ຂະບວນການອອກແບບ ແລະ ພັດທະນາ ການໃຫ້ບໍລິການໃນການສົ່ງເສີມວຽກງານອາຊີວະສຶກສາທີ່ເໝາະສົມກັບແຕ່ລະປະເທດ.

• ສ້າງຄວາມເຂັ້ມແຂງໃຫ້ກັບອົງກອນທຸລະກິດໃນການບໍລິການທີ່ມີຄວາມຕ້ອງການ, ສາມາດສ້າງລາຍຮັບ ແລະ ມີຄວາມຍືນຍົງ.

• ການວິເຄາະຄວາມຕ້ອງການ, ຮັບຮູ້ເຖິງໂອກາດເຂົ້່າເຖິງກຸ່ມປົ້າໝາຍ, ຄວາມສ່ຽງ ແລະ ສິ່ງທ້າທາຍໃນການເຮັດວຽກກັບພາກທຸລະກິດ.

• ທົບທວນຄືນຂັ້ນຕອນການຈັດຕັ້ງປະຕິບັດ ແລະ ພັດທະນາຮູບແບບ, ກໍານົດຜູ້ມີສ່ວນຮ່ວມ ລວມເຖິງວິທີການເຮັດວຽກກັບຄູຮ່ວມພັດທະນາ.

ໃນຕອນທ້າຍຂອງກອງປະຊຸມຜຸ້ເຂົ້າຮ່ວມ ຈະໄດ້ຂື້້ນແຜນຈັດກິດຈະະກຳ ເຊິ່ງ ສຄອຊ ໄດ້ເລືອກເອົາກິດຈະກຳ ງານຕະຫຼາດນັດແຮງງານ ມີຊື່ງານ “Ready4Work” Festival ເຊິ່ງຈະຈັດຂື້ນກາງເດືອນ ມັງກອນ 2022 ທີ່ ນະຄອນຫຼວງວຽງຈັນ. ສຳລັບຂໍ້ມູນເພີມເຕີມຈະແຈ້ງຕື່ມພາຍຫຼັງ.