24th Vientiane World Korea Forum 2023
ສະພາການຄ້າ ແລະ ອຸດສາຫະກໍາ ແຫ່ງຊາດລາວ (ສຄອຊ) ຂໍຖືເປັນກຽດແຈ້ງມາຍັງທ່ານຊາບວ່າ: ສະພາການຄ້າ ແລະ ອຸດສາຫະກຳ ແຫ່ງຊາດລາວ ຮ່ວມກັບ ສະພາການຄ້າ ແລະ ອຸດສາຫະກຳ ອັນຢາງ ກວາຊອນ
ແລະ ມະຫາວິທະຍາໄລແຫ່ງຊາດລາວ ຈະໄດ້ຈັດງານສໍາມະນາ ພາຍໃຕ້ຫົວຂໍ້ 24th Vientiane World Korea Forum 2023, ເຊິ່ງຈະຈັດຂື້ນໃນລະຫວ່າງວັນທີ 29-30 ມິຖຸນາ 2023 ທີ່ ຫ້ອງປະຊຸມຄະນະເສດຖະສາດ ແລະ ບໍລິຫານທຸລະກິດ, ມະຫາວິທະຍາໄລແຫ່ງຊາດ, ນະຄອນຫຼວງວຽງຈັນ.
ຈຸດປະສົງ ເພື່ອເປີດໂອກາດ ແລະ ຂະຫຍາຍຂອບເຂດການແລກປ່ຽນທຸລະກິດ ແລະ ການຮ່ວມມືດ້ານເສດຖະກິດລະຫວ່າງ 2 ປະເທດໃນຂະແໜງການຕ່າງໆເຊັ່ນ: ການສຶກສາ, ການຂົນສົ່ງ, ຂະແໜງການຜະລິດ, ການນຳເຂົ້າ-ສົ່ງອອກສິນຄ້າ ແລະ ອື່ນໆ.