ກອງປະຊຸມທຸລະກິດລາວ ຄັ້ງທີ 16 ຈະຈັດຂຶ້ນໃນວັນທີ 3 ເມສາ 2025 ທີ່ ນະຄອນຫຼວງວຽງຈັນ

ກອງປະຊຸມທຸລະກິດລາວ ຄັ້ງທີ 16 ຈະຈັດຂຶ້ນໃນວັນທີ 3 ເມສາ 2025 ທີ່ ນະຄອນຫຼວງວຽງຈັນ

Date: 03/04/2025

Time: 08.00-12.00

Location: ໂຮງແຮມດອນຈັນພາເລດ, ນະຄອນຫຼວງວຽງຈັນ

ກອງປະຊຸມທຸລະກິດລາວ ຄັ້ງທີ 16 ຈະຈັດຂຶ້ນໃນວັນທີ 3 ເມສາ 2025 ທີ່ ນະຄອນຫຼວງວຽງຈັນ, ຊຶ່ງຖືເປັນເວທີອັນສຳຄັນສຳລັບການແລກປ່ຽນ ແລະ ປຶກສາຫາລືລະຫວ່າງພາກລັດ ແລະ ພາກທຸລະກິດ ເພື່ອພັດທະນາສະພາບແວດລ້ອມການດຳເນີນທຸລະກິດໃນ ສປປ ລາວ.

ກອງປະຊຸມຄັ້ງນີ້ຈະລວມມີຜູ້ຕາງໜ້າຈາກພາກລັດຖະບານ, ຜູ້ປະກອບການຊັ້ນນຳ, ນັກລົງທຶນພາຍໃນ ແລະ ຕ່າງປະເທດ, ລວມທັງຜູ້ຊ່ຽວຊານດ້ານເສດຖະກິດ ແລະ ການຄ້າ.ເພື່ອປຶກສາຫາລື ກ່ຽວກັບປະເດັນສຳຄັນ ແລະ ແນວທາງແກ້ໄຂບັນຫາ ທີ່ສົ່ງຜົນກະທົບຕໍ່ພາກທຸລະກິດໃນ ສປປ ລາວ ເຊິ່ງຈະເນັ້ນໃສ່:
➡️ ການປັບປຸງການເລີ້ມຕົ້ນທຸລະກິດ ແລະ ຂັ້ນຕອນການລົງທຶນ, ການອຳນວຍຄວາມສະດວກທາງການຄ້າ ແລະ ປັບປຸງການເຂົ້າເຖິງແຮງງານຂອງພາກທຸລະກິດ.
➡️ ການສົ່ງເສີມການຜະລິດ ແລະ ການບໍລິການພາຍໃນ ​ແລະ ສົ່ງເສີມສະຖຽນລະພາບຂອງ ຂະແໜງການ ທະນາຄານ ແລະ ການເງິນ.
➡️ ປັງປຸງນະໂຍບາຍ ແລະ ມາດຕະການ ເພື່ອສົ່ງເສີມການພັດທະນາແບບຍືນຢົງຂອງຂະແໜງທ່ອງທ່ຽວ ແລະ ຂະແໜງພະລັງງານໄຟຟ້າ.
➡️ ກອງປະຊຸມຈະເປີດໂອກາດໃຫ້ມີການປຶກສາຫາລືຢ່າງເລິກເຊິ່ງກ່ຽວກັບປະເດັນສຳຄັນ, ສ້າງຄວາມຮ່ວມມືລະຫວ່າງພາກລັດ ແລະ ເອກະຊົນ, ພ້ອມທັງກຳນົດຍຸດທະສາດທີ່ສາມາດນຳໄປຈັດຕັ້ງປະຕິບັດເພື່ອແກ້ໄຂຄວາມທ້າທາຍ ແລະ ຊຸກຍູ້ການເຕີບໂຕຂອງທຸລະກິດ.
ທ່ານໃດທີ່ສົນໃຈເຂົ້າຮ່ວມກອງປະຊຸມ ຕ້ອງໄດ້ລົງທະບຽນເຂົ້າຮ່ວມທີ່ ກອງເລຂາ ກອງປະຊຸມທຸລະກິດລາວ, ສະພາການຄ້າ ແລະ ອຸດສາຫະກຳແຫ່ງຊາດລາວ. ແລະ ນີ້ຖືເປັນໂອກາດອັນດີໃນການສ້າງເຄືອຂ່າຍກັບນັກທຸລະກິດ ແລະ ຜູ້ນຳອຸດສາຫະກຳ, ແລກປ່ຽນກ່ຽວກັບແນວໂນ້ມຕະຫຼາດປັດຈຸບັນ, ແລະ ການມີສ່ວນຮ່ວມໃນການປັບປຸງສະພາບແວດລ້ອມທຸລະກິດໃນ ສປປ ລາວ ໃຫ້ດີຂຶ້ນ.

Enter your keyword