ຄະນະກຳມະທິການສົ່ງເສີມການຮ່ວມມືທຸລະກິດ ລາວ-ຈີນ ປະຈຳ ສະພາການຄ້າ ແລະ ອຸດສາຫະກຳແຫ່ງຊາດລາວ ຮ່ວມກັບ ສະພາການຄ້າ ກວາງໂຈ ໄດ້ຈັດ ງານວາງສະແດງ ແລະ ພົບປະກັບພາກທຸລະກິດ ຈີນ ແລະ ອາຊຽນ ເຊິ່ງຈຸດປະສົງຂອງງານໃນຄັ້ງນີ້ແມ່ນເພື່ອເປັນການຈັບຄູ່ຮ່ວມທຸລະກິດ ລາວ ແລະ ທຸລະກິດຈີນ-ອາຊຽນ, ເພື່ອສົ່ງເສີມການຮ່ວມມືທາງດ້ານການຄ້າ ແລະ ການລົງທືນ ໃຫ້ມີການພົວພັນຊຸກຍູ້ເຊິ່ງກັນ ແລະ ກັນໃຫ້ຄຽງຄູ່ກັບ ຂະແໜງອຸດສາຫະກຳ, ການຄ້າ-ການລົງທືນ, ນຳເຂົ້າ-ສົ່ງອອກ ແລະ ອື່ນໆ, ເພື່ອໃຫ້ພາກທຸລະກິດ ລາວ-ຈີນ-ອາຊຽນ ໃຫ້ໄດ້ຮັບຜົນປະໂຫຍດສູງສຸດ.