ຈຸດປະສົງ ແມ່ນເພື່ອສະເຫຼີມສະຫຼອງ ວັນສ້າງຕັ້ງສະຫະພັນກຳມະບານລາວ ຄົບຮອບ 70 ປີ (ວັນທີ 1 ກຸມພາ 1956 – 1 ກຸມພາ 2026) ແລະ ລາຍງານຜົນສຳເລັດການເຄື່ອນໄຫວວຽກງານຂອງສະຫະພັນກຳມະບານລາວ ຕະຫຼອດໄລຍະ 70 ປີ ຜ່ານມາ.

ຈາກນັ້ນ ທ່ານ ສຈ. ປອ. ກິແກ້ວ ໄຂຄຳພິທູນ ກໍາມະການກົມການ ເມືອງສູນກາງພັກ, ປະທານສູນກາງແນວລາວສ້າງຊາດ ໄດ້ກ່າວສູນທອນພົດ ວ່າ: ຕະຫຼອດໄລຍະ 70 ປີຜ່ານມາ ຊົນຊັ້ນກຳມະກອນແມ່ນກຸ່ມຄົນ ທີ່ມີຄວາມຕື່ນຕົວທາງການເມືອງ ມີມານະຈິດປະຕິວັດສູງ, ມີລະບຽບວິໄນສູງ, ມີສະຕິຕື່ນຕົວ ເຮັດທຸກສິ່ງຢ່າງເພື່ອຜົນປະໂຫຍດຂອງກຳມະກອນ ແລະ ຊາວຜູ້ອອກແຮງງານ ເປັນຊົນຊັ້ນທີ່ມີຄວາມເສຍສະຫຼະເພື່ອປະເທດຊາດ ເພື່ອປະຊາຊົນຢ່າງແທ້ຈິງ. ຍ້ອນແນວນັ້ນຊົນຊັ້ນກຳມະກອນ ຈິ່ງເປັນຊົນຊັ້ນໜຶ່ງໃນການສ້າງຕັ້ງພັກຄອມມູນິດຢູ່ໃນໂລກ ສຳລັບຊົນຊັ້ນກຳມະກອນລາວ ຫາກໍ່ຕົວຂຶ້ນສ່ວນໃຫຍ່ແມ່ນມາຈາກຊາວໄຮ່ນາ ເຂົາເຈົ້າໄດ້ຍອມເສຍສະລະຊີວິດເຂົ້າຮ່ວມການຕໍ່ສູ້ປະຕິວັດ ແລະ ໄດ້ຮັບການອົບຮົມສັ່ງສອນຈາກພັກ, ຝຶກຝົນຫຼໍ່ຫຼອມຕົນເອງໃຫ້ເຕີບໃຫ່ຍ ກາຍເປັນຄົນທີ່ມີທັດສະນະຊົນຊັ້ນກຳມະກອນຢ່າງແທ້ຈິງ.

ຈາກນັ້ນ ໄດ້ມີເວທີ ສຳມະນາວິທະຍາສາດໃນພີທີສະເຫຼີມສະຫຼອງວັນສ້າງຕັ້ງ ສະຫະພັນ ກຳມະບານລາວ ຄົບຮອບ 70 ປີ ພາຍໃຕ້ຫົວຂໍ້ ການພັດທະນາວຽກງານກຳມະບານ ໃນໄລຍະໃໝ່ ເຊີ່ງມີຕົວແທນຈາກອົງການໄຕພາຄີສາມຝ່າຍ, ກຳມະບານຮາກຖານ ກະຊວງແຮງງານ ແລະ ສະຫວັດດີການສັງຄົມ, ສະພາການຄ້າ ແລະ ອຸດສາຫະກຳ ແຫ່ງຊາດລາວ, ສະຫະພັນກຳມະບານ ນະຄອນຫຼວງ, ຕົວແທນກຳມະບານຮາກຖານ ຈາກ ກະຊວງການເງິນ.