ໃນລະຫວ່າງວັນທີ 12 -13 ທັນວາ 2020, ທີ່ ເມືອງ ວັງວຽງ, ແຂວງວຽງຈັນ, ສະພາການຄ້າ ແລະ ອຸດສາຫະກຳແຫ່ງຊາດລາວ (ສຄອຊ) ໄດ້ຈັດ ກອງປະຊຸມສຳມະນາກ່ຽວການສ້າງຄວາມເຂັ້ມແຂງໃຫ້ພະນັກງານ ສຄອຊ ແລະ ສະພາການຄ້າ ແລະ ອຸດສາຫະກຳ ແຂວງ

ໂດຍໃຫ້ກຽດເຂົ້າຮ່ວມຂອງ ທ່ານ ທ່ານ ອຸເດດ ສຸວັນນະວົງ ປະທານ ສະພາການຄ້າ ແລະ ອຸດສາຫະກຳແຫ່ງຊາດລາວ ແລະ ວິທະຍາກອນ ຈາກອົງການ ILO ທ່ານ Lee Dong Eung ຜູ້ຊ່ຽວຊານອາວຸໂສ ດ້ານຜູ້ໃຊ້ແຮງງງານ (Senior Employer Specialist, DWT-BKK) ແລະ ມີທ່ານຮອງປະທານ, ຄະນະບໍລິຫານງານ, ຄະນະເລຂາທິການ ສຄອຊ, ພະນັກງານ ສຄອຊ ແລະ ຜູ້ຕ່າງໜ້າຈາກ ສຄອ ແຂວງ ເຂົ້າຮ່ວມ.

ກອງປະຊຸມໃນຄັ້ງນີ້ໄດ້ດຳເນີນເປັນເວລາ 02 ວັນ ໂດຍມີຈຸດປະສົງດັ່ງນີ້ຄື:  

• ເພື່ອສ້າງຄວາມເຂົ້າໃຈ ໃຫ້ແກ່ພະນັກງານຂອງ ສຄອຊ ແລະ ສຄອ ແຂວງ ໃນດ້ານການສະໜອງການບໍລິການ ໃນນາມເປັນຕາງໜ້າຜູ້ໃຊ້ແຮງງານ,
• ເພື່ອເປັນການແລກປ່ຽນ ແລະ ຖອດຖອນບົດຮຽນຈາກຕ່າງປະເທດ, ສຄອຊ ແລະ ສຄອ ແຂວງ ໃນວຽກງານດັ່ງກ່າວໃຫ້ມີຄວາມເຂັ້ມແຂງໃນການຈັດຕັ້ງປະຕິບັດ
• ຮັບຟັງການນຳສະເໜີແຜນຍຸດທະສາດ ແລະ ລົງເລີກລາຍລະອຽດ 06 ເສົາຄ້ຳ ຍຸດທະສາດ ຂອງ ສຄອຊ
• ໜ້າທີ່, ພາລະບົດບາດຂອງ ຜູ້ໃຊ້ແຮງງານ ກໍຄືພາກທຸລະກິດ ແລະກຸ່ມ, ສະມາຄົມ ລວມໄປເຖິງການພົວພັນພາຍໃນ ແລະພາຍນອກອົງກອນ
• ກຸ່ມສົນທະນາ ແລະ ວາລະຖາມຕອບ