ສະພາການຄ້າ ແລະ ອຸດສາຫະກຳແຫ່ງຊາດລາວ ຈັດງານກິດຈະກຳ ການແຂ່ງຂັນກ໊ອຟ ມິດຕະພາບ, ໃນວັນທີ 26 ພຶດສະພາ 2024 ທີ່ ເດີ່ນກອບ ເລກວິວ.

ໂດຍເປັນກຽດເຂົ້າຮ່ວມຂອງ ທ່ານ ສຽວສະຫວາດ ສະແຫວງສຶກສາ ປະທານກິດຕິມະສັກ ສຄອຊ, ທ່ານ ອຸເດດ ສຸວັນນະວົງ ປະທານ ສະພາການຄ້າ ແລະ ອຸດສາຫະກຳແຫ່ງຊາດລາວ ພ້ອມດ້ວຍ ຄະນະບໍລິຫານງານ ສະພາການຄ້າ ແລະ ອຸດສາຫະກຳແຫ່ງຊາດລາວ ແລະ ຄະນະນຳຈາກພາກລັດຖະບານ, ສະຖານທູດ, ສະພາການຄ້າ ແລະ ອຸດສາຫະກຳ ປະຈຳຕ່າງປະເທດ ຢູ່ ສປປ ລາວ, ສະພາການຄ້າ ແຂວງ ເຂົ້າຮ່ວມພາຍໃນງານ

ເຊິງຈຸດປະສົງຂອງງານໃນຄັ້ງນີ້ແມ່ນ ເພື່ອເປັນການສະເຫຼີມສະຫຼອງວັນສ້າງຕັ້ງ ສະພາການຄ້າ ແລະ ອຸດສາຫະກຳແຫ່ງຊາດລາວ ຄົບຮອບ 35ປີ (05/05/1989 – 05/05/2024), ພ້ອມດຽວກັນນັ້ນກໍ່ເພື່ອເປັນການສ້າງຄວາມສາມັກຄີຮັກແພງລະຫວ່າງອົງກອນນຳກັນໃຫ້ແໜ້ນແຟ້ນຍິງຂື້ນ.