ນະຄອນຫຼວງວຽງຈັນ, 03 ມີນາ 2026 — ສະພາການຄ້າ ແລະ ອຸດສາຫະກຳແຫ່ງຊາດລາວ (ສຄອຊ) ນຳໂດຍ ທ່ານ ປອ ໄຊບັນດິດ ຣາຊະພົນ ຮອງປະທານ ສຄອຊ

ໄດ້ເຂົ້າພົບປະ ແລະ ອວຍພອນປີໃໝ່ ບໍລິສັດ ລາວນິວເພ ເທັກໂນໂລຢີ ຈອຍເວັນເຈີ ຈຳກັດ ໃນນາມສະມາຊິກ ຜູ້ຊົງຄຸນວຸດທິ ສຄອຊ.

ໃນໂອກາດດຽວກັນ, ທາງບໍລິສັດ ລາວນິວເພ ເທັກໂນໂລຢີ ຈອຍເວັນເຈີ ຈຳກັດ ຍັງໄດ້ລາຍງານເຖິງຜົນສຳເລັດຂອງການດຳເນີນທຸລະກິດ ແລະ ຍຸດທະສາດຂອງບໍລິສັດ ທີ່ໄດ້ປະກອບສ່ວນຢ່າງຕັ້ງໜ້າເຂົ້າໃນການສ້າງສາ ແລະ ພັດທະນາເສດຖະກິດ-ສັງຄົມ ຂອງ ສປປ ລາວ ໃຫ້ມີການຂະຫຍາຍຕົວຢ່າງຕໍ່ເນື່ອງ.

ບໍລິສັດ ລາວນິວເພ ເທັກໂນໂລຢີ ຈອຍເວັນເຈີ ຈຳກັດ ບໍລິການ

1. ການເງິນເອເລັກໂຕຮນິກ,ການຊໍາລະເງີນຂ້າມພົມແດນ,ບໍລິການຮັບຊຳລະເງີນພາຍໃນປະເທດແລະຕ່າງປະເທດ

2. ບໍລິການ ສ້າງ ແລະ ພັດທະນາເຊັ່ນ; ຊອບແວ, ເທັກໂນໂລຊີດິຈີຕອນ, ເທັກໂນໂລຊີບຼອກເຊນ, ເທັກໂນໂລຊີອິນເຕີເນັດ.

3. ດໍາເນີນການເປັນທຸລະກິດຜູ້ຖືຮຸ້ນ (ຊື້ຮຸ້ນ).