ເຊິ່ງໃຫ້ກຽດເປັນປະທານໂດຍ ທ່ານ ດາວວອນ ພະຈັນທະວົງ ຮອງ ປະທານສະພາການຄ້າ ແລະ ອຸດສາຫະກຳແຫ່ງຊາດລາວ ແລະ Mr. YAEGASHI Hitoshi, Trainer/Instructor for Corporate Training Programs (MTP, TWI, etc.), Japan Industrial Training Association (JITA), ບັນດາແຂກຖືກເຊີນຈາກພາກທຸລະກິດຫຼາຍຂະແໜງການຫຼາຍກວ່າ 60ທ່ານ ການຝຶກອົບຮົມຈະໄດ້ດຳເນີນການເປັນເວລາ 2ວັນ ໃນລະຫວ່າງ ວັນທີ 11-12 ກຸມພາ 2026.

ການຝຶກອົບຮົມໃນຫົວຂໍ້ຫຼັກສຸດ ການບໍລິຫານຈັດການ ໂດຍເນັ້ນທັກສະຜູ້ນຳຍຸກໃໝ່ ເປົ້າໝາຍເພື່ອແນ່ໃສ່ໃຫ້ການບໍລິຫານທຸລະກິດໃນ ສປປ ລາວ ກໍ່ຄືຂະແໜງທຸລະກິດຕ່າງໆ ໃຫ້ເປັນຜູ້ບໍລິຫານມືອາຊີບໃນການເພີ່ມປະສິດທິພາບໃນການເຮັດວຽກ ໃນການບໍລິຫານຈັດການ ອົງກອນ ແລະ ທັງເປັນການແລກປ່ຽນປະສົບການຂອງບໍລິສັດເອງໃນການບໍລິຫານຈັດການຂອງທ່ານ.

ນອກຈາກນີ້, ສະມາຄົມເພື່ອການສົ່ງເສີມດ້ານວິຊາການຕ່າງປະເທດ ຫຼື BREXA CrossBorder ຍັງໄດ້ໃຫ້ທຶນຝຶກອົບຮົມໄລຍະສັ້ນປະເທດຢີ່ປຸ່ນ, ຊື່ງທືນດັ່ງກ່າວແມ່ນໄດ້ແຈກຢາຍໃຫ້ບັນດາຂະແໜງທຸລະກິດທີ່ເປັນສະມາຊິກຂອງ ສຄອຊ ເພື່ອສະໝັກເຂົ້າຮຽນ, ໃນການຍົກລະດັບຜູ້ບໍລີຫານທຸລະກິດ ໃນການບໍລິຫານທຸລະກິດ ແລະ ບໍລິຫານບຸກຄະລາກອນ, ການປັບປຸງຄຸນນະພາບຂອງຜະລິດຕະພັນ, ວຽກງານພັດທະນາດ້ານອຸດສາຫະກຳ ສາຍພົວພັນແຮງງານ, ວຽກງານສຸຂະພາບ ແລະ ຄວາມປອດໄພໃນສະຖານທີ່ເຮັດວຽກທີ່ເປັນການເພີ່ມປະສິດທິພາບໃນການເຮັດວຽກຄຽງຄູ່ກັບຄຸນນະພາບຂອງການຜະລິດ.

ປະຈຸບັນລັດຖະບານແຫ່ງ ສປປ ລາວ ໃດ້ສົ່ງເສີມ ແລະ ເປີດກວ້າງການຄ້າ-ການລົງທຶນພາຍໃນປະເທດຄ່ຽງຄູ່ກັບການພັດທະນາດ້ານຊັບພະຍາກອນມະນຸດເພື່ອໃຫ້ສາມາດຕອບສະໜອງໄດ້ຕາມການພັດທະນາເສດຖະກິດ-ສັງຄົມຕາມຄາດໝາຍສູ້ຊົນຂອງລັດຖະບານທີ່ວາງໃວ້ເພື່ອນຳພາປະເທດຫຼຸດພົ້ນອອກຈາກການເປັນປະເທດດ້ອຍພັດທະນາໃນປີ 2026, ແຕ່ຍ້ອນຜົນກະທົບ ແລະ ສະພາບເສດຖະກິດ-ສັງຄົມ ປະເຊີນກັບຄວາມຫຍຸ້ງຍາກ ສົ່ງຜົນໃຫ້ສະພາບເສດຖະກິດປະເຊີນກັບບັນຫາຫຼາຍດ້ານ.