ທ່ານ ອຸເດດ ສຸວັນນະວົງ ປະທານສະພາການຄ້າ ແລະ ອຸດສາຫະກຳແຫ່ງຊາດລາວ (ສຄອຊ),

ໄດ້ເຂົ້າຮ່ວມກອງປະຊຸມຮອບນອກ ຂອງ ສະພາການຄ້າ ແລະ ອຸດສາຫະກຳ 04 ແຂວງພາກເໜືອ ແລະ ສະພາການຄ້າ ແລະ ອຸດສາຫະກຳ ນະຄອນຫລວງວຽງຈັນ (ສຄອນວ), ເຊິງຈຸດປະສົງຫຼັກແມ່ນເພື່ອກະກຽມ ເອກສານລາຍງານກອງປະຊຸມ ກ່ຽວກັບບັນຫາຂໍ້ສະດວກ ຂໍ້ຫຍຸ້ງຍາກ ແລະ ວິທີການແກ້ໄຂ ບັນຫາຂອງພາກທຸລະກິດ ຂອງ 04 ແຂວງພາກເຫນືອ ເພື່ອນຳສະເຫນີຕໍ່ທ່ານເຈົ້າແຂວງ ແລະ ຫົວຫນ້າຄະນະ ຊ່ວຍວຽກທ່ານນາຍົກ ເພື່ອນຳສະເຫນີຕໍ່ ລັດຖະບານ ເພື່ອແກ້ໄຂ ແລະ ສົ່ງເສີມ ໃຫ້ບັນລຸຕາມເປົ້າຫມາຍ.