ກອງປະຊຸມ ສະພາການຄ້າ ແລະ ອຸດສາຫະກຳ 04 ແຂວງພາກເຫນຶອ, ໃນວັນທີ່ 29 ມັງກອນ 2023, ທີ່ ແຂວງບໍ່ແກ້ວ.

ທ່ານ ສັງຄົມ ຈົນສຸກ ຮອງປະທານ ສະພາການຄ້າ ແລະ ອຸດສາຫະກຳແຫ່ງຊາດລາວ ( ສຄອຊ ) ເປັນປະທານຮ່ວມ ທ່ານ ສີສຸພັນ ສິລິວົງ ປະທານ ສຄອ ແຂວງບໍ່ແກ້ວ ແລະ ໃຫ້ກຽດເຂົ້າຮ່ວມຈາກ ປະທານ ສຄອ ແຂວງຫຼວງນ້ຳທ່າ, ປະທານ ສຄອ ແຂວງຜົງສາລີ ແລະ ປະທານ ສຄອ ແຂວງອຸດົມໄຊ.

ກອງປະຊຸມຄັ້ງນີ້ ແມ່ນເພື້ອເປັນການທົບທວນຄືນ ກ່ຽວກັບການປະຕີບັດ ແຜນວຽກຕາມບົດບັນທືກ ຮ່ວມມື 5 ຝ່າຍໃນວັນທີ 21 ມັງກອນ 2021 ທີ່ແຂວງອຸດົມໄຊ ແລະ ບົດບັນທືກ ກອງປະຊຸມທີ່ແຂວງອຸດົມໄຊ ໃນວັນທີ່ 25 ກັນຍາ 2022

ນອກຈາກການທົບທວນຄືນຕາມເນື້ອໃນບົດບັນທືກ ກອງປະຊຸມໃນທີ່ຜ່ານມາແລ້ວ , ກອງປະຊຸມມື້ນີ້ ຍັງຈະໄດ້ກຳຫນົດແຜນຍຸດທະສາດຮ່ວມກັນ ເພື່ອໃຫ້ສອດຄ່ອງກັບທ່າແຮງຂອງແຕ່ແຂວງ ທີ່ມີ ແລະ ເພື່ອເຕົ້າໂຮມພາກທຸລະກິດໃຫ້ມີຄວາມເຂັ້ມແຂງ .

ສ່ວນລາຍລະອຽດ ຈະໄດ້ເຊັນບົດບັນທືກກອງປະຊຸມເພື່ອໄວ້ເປັນຫລັກຖານ ແລະ ລາຍງານທ່ານ ປະທານຕາມຂັ້ນຕອນຕໍ່ໄປ.