ກອງປະຊຸມຄະນະບໍລິຫານງານສະພາການຄ້າແລະອຸດສາຫະກຳແຫ່ງຊາດລາວ ສຄອຊ (ຊຸດທີ VIII, ຄັ້ງທີ V), ໃນວັນທີ 09 ມິຖຸນາ 2023, ທີ່ ຫ້ອງປະຊຸມໃຫຍ່ ສະພາການຄ້າ ແລະ ອຸດສາຫະກຳແຫ່ງຊາດລາວ

ທ່ານ ອຸເດດ ສຸວັນນະວົງ ປະທານ ສຄອຊ ໃຫ້ກຽດເປັນປະທານໃນກອງປະຊຸມຮ່ວມກັບ ທ່ານ ດາວອນ ພະຈັນທະວົງ ຮອງປະທານ,ຜູ້ປະຈຳການ ສຄອຊ ມີບັນດາທ່ານຮອງປະທານ, ບັນດາທ່ານຄະນະບໍລິຫານງານ, ບັນດາທ່ານປະທານ ສຄອ ແຂວງ ແລະ ບັນດາທ່ານຄະນະທີ່ປຶກສາ ສຄອຊ ເຂົ້າຮ່ວມຢ່າງພ້ອມພຽງ

ເຊິງຈຸດປະສົງຂອງກອງປະຊຸມແມ່ນເພື່ອເປັນການທົບທວນການຈັດຕັ້ງປະຕິບັດຍຸດທະສາດການພັດທະນາພາກທຸລະກິດ 2021-2025 ຂອງ ສຄອຊ ( ກາງສະໄໝ ), ການກະກຽມການຈັດຕັ້ງກອງປະຊຸມໃຫຍ່ (ກອງປະຊຸມຫລວງ) ຂອງຄະນະບໍລິຫານງານ ຊຸດທີ IX ທີ່ຄາດວ່າຈະໄດ້ຈັດຂື້ນ ໃນທ້າຍປີ 2023 ແລະ ບັນຫາອື່ນໆ.