ກອງປະຊຸມ ຄະນະຊີ້ນຳວຽກງານຄຸ້ມຄອງລາຄາສິນຄ້າ ແລະ ຄ່າບໍລິການ, ໃນວັນທີ 4 ຕຸລາ 2022, ທີ່ ກະຊວງອຸດສາຫະກຳ ແລະ ການຄ້າ.ທ່ານ ມະນິດໂຕ ພົມໂພທິ ຮອງເລຂາທິການ ສະພາການຄ້າ ແລະ ອຸດສາຫະກຳແຫ່ງຊາດລາວ (ສຄອຊ)

ໄດ້ເຂົ້າຮ່ວມກອງປະຊຸມ ຄະນະຊີ້ນຳວຽກງານຄຸ້ມຄອງລາຄາສິນຄ້າ ແລະ ຄ່າບໍລິການ (ຄະນະ 71/ນຍ) ເຊິ່ງໃນກອງປະຊຸມໃຫ້ກຽດເປັນປະທານໂດຍ ທ່ານ ມະໄລທອງ ກົມມະສິດ ລັດຖະມົນຕີ ກະຊວງອຸດສາຫະກຳ ແລະ ການຄ້າ, ແລະມີຄະນະຜູ້ແທນ ເຂົ້າຮ່ວມຈາກຂະແໜງການຕ່າງໆ ທີ່ກ່ຽວຂ້ອງເຊັ່ນ: ຂະແໜງອຸດສາຫະກຳ ແລະ ການຄ້າ, ຂະແໜງກະສິກຳ ແລະ ປ່າໄມ້, ຂະແໜງໂຍທາທິການ ແລະ ຂົນສົ່ງ, ຂະແໜງຖະແຫຼງຂ່າວ, ວັດທະນາທຳ ແລະ ທ່ອງທ່ຽວ, ຂະແໜງສາທາລະນະສຸກ, ຂະແໜງເຕັກໂນ ແລະການສື່ສານ, ຂະແໜງພະລັງງານ ແລະ ບໍ່ແຮ່ ແລະ ອື່ນໆ,ພາຍໃນກອງປະຊຸມໄດ້ມີການປຶກສາຫາລືໂດຍສຸມໃສ່ການຄົ້ນຄວ້າຕີລາຄາການຈັດຕັ້ງປະຕິບັດ ແລະ ການເຄື່ອນໄຫວວຽກງານໃນໄລຍະຜ່ານມາ, ສັງລວມຈຸດດີ, ສິ່ງທ້າທາຍ, ວິທີທາງແກ້ໄຂ ແລະ ທິດທາງໃນການຈັດຕັ້ງປະຕິບັດວຽກງານໃນຕໍ່ໜ້າໃຫ້ມີປະສິດທິຜົນ ແລະ ສໍາເລັດຕາມເປົ້າໝາຍທີ່ວາງໄວ້ໂດຍສຸມໃສ່ຄົ້ນຄວ້າວາງແຜນປັບປຸງແກ້ໄຂບັນຫາ ແລະ ສິ່ງທ້າທາຍຕ່າງໆຂອງວຽກງານທີ່ເປັນບຸລິມະສິດ, ວຽກງານທີ່ຮີບດ່ວນ ແລະ ວຽກງານອື່ນໆໃນໄລຍະສັ້ນ, ກາງ ແລະ ໄລຍະຍາວ.