ທ່ານ ອິນທີ ເດືອນສະຫວັນ ຮອງປະທານກໍາມະທິການທ່ອງທ່ຽວ ເປັນປະທານຮ່ວມໃນກອງປະຊຸມ ເຄື່ອຂ່າຍພັດທະນາ, ສົ່ງເສີມ ແລະ ຄຸ້ມຄອງຈຸດຫມາຍປາຍທາງ ການທ່ອງທ່ຽວຂອງ ສປປລາວ

ຈຸດປະສົ່ງຂອງກອງປະຊຸມໃນຄັ້ງນີ້ແມ່ນເພື່ອທົບທວນຄວາມຄືບໜ້າການຈັດຕັ້ງປະຕິບັດແຜນກິດຈະກຳປະຈຳປີ 2022 ຂອງເຄືອຂ່າຍ DMN ຂັ້ນສູນກາງ ແລະ ວາງແຜນກິດຈະກຳປະຈຳປີ 2023 ຂອງເຄືອຂ່າຍ DMN ຂັ້ນສູນກາງ, ໃນກອງປະຊຸມຍັງໄດ້ນຳສະເໜີລາຍການ ການທ່ອງທ່ຽວພາກໃຕ້ຂອງລາວເຊື່ອມໂຍງກັບເຂດພາກພື້ນ, ພ້ອມທັງບັນຫາ ແລະ ວິທີການແກ້ໄຂທີ່ໄດ້ກຳນົດຈາກກອງປະຊຸມຜ່ານມາ ນອກຈາກນີ້ຍັງໄດ້ນຳສະເໜີສັງລວມບັນຫາ ແລະ ຄວາມຄືບໜ້າໃນການແກ້ໄຂບັນຫາໃນຂະແໜງການທ່ອງທ່ຽວທີ່ຕິດພັນກັບຂະແໜງການທີ່ກ່ຽວຂ້ອງ.