ທ່ານ ມານິດໂຕ ພົມໂພທິ ຮອງເລຂາທິການ ສະພາການຄ້າ ແລະ ອຸດສາຫະກຳ ແຫ່ງຊາດລາວ (ສຄອຊ) ພ້ອມດ້ວຍຄະນະ ແລະ ສູນບໍລິການອາຊີວະສຶກສາແບບຄວບຄູ່ (DCT SC), ໄດ້ລົງພົບປະແລກປ່ຽນເພື່ອສ້າງຄວາມເຂັ້ມແຂງ ໃຫ້ແກ່ ສະພາການຄ້າ ແລະ ອຸດສາຫະກຳ ແຂວງຈຳປາສັກ

ຈຸດປະສົງແມ່ນເພື່ອເປັນການ ເຜີຍແຜ່ຄູ່ມືແນະນຳການຈັດຕັ້ງປະຕິບັດ ແລະ ການບໍລິຫານ ສຄອ, ການອອກຟອມ CO ແລະ ການດຶງດູດສະມາຊິກ, ການມອບລາງວັນພັດທະນາສືມີແຮງງານດີເດັ່ນ, ລາງວັນນັກທຸລະກິດຊັ້ນນຳດີເດັ່ນ ສຄອຊ, ງານຕະຫຼາດນັດແຮງງານ ແລະ ກິດຈະກຳສຳມະນາອື່ນໆທີ່ກ່ຽວຂ້ອງ. ແລະ ເພື່ອສ້າງຄວາມເຂົ້າໃຈກ່ຽວກັບ ອສຄ ໃນການຊຸກຍູ້ບັນດາສະຖານປະກອບການ ເຂົ້າມີສ່ວນຮ່ວມຈັດຕັ້ງປະຕິບັດວຽກງານ ອສຄ ແລະ ຖອດຖອນບົດຮຽນ ການຈັດຕັ້ງປະຕິບັດ ຮູບແບບການຈັດຮຽນ-ການສອນ ອາຊີວະສຶກສາແບບຄວບຄູ່.