ກອງປະຊຸມ ພົບປະກັບ ສະພາການຄ້າ ເອີຣົບ ແລະ ສະພາການຄ້າ ອົດສະຕາລີ ປະຈຳ ສປປ ລາວ, ໃນວັນທີ 05 ເມສາ 2023, ເວລາ 8:30 ໂມງ – 10:30 ໂມງ, ທີ່ ສະພາການຄ້າ ແລະ ອຸດສາຫະກຳ ແຫ່ງຊາດລາວ, ນະຄອນຫຼວງວຽງຈັນ.

ທ່ານ ອຸເດດ ສຸວັນນະວົງ ປະທານ ສະພາການຄ້າ ແລະ ອຸດສາຫະກຳ ແຫ່ງຊາດລາວ ພ້ອມດ້ວຍຄະນະບໍລິຫານງານ ໄດ້ເຂົ້າຮ່ວມ ກອງປະຊຸມ ພົບປະກັບ ສະພາການຄ້າ ເອີຣົບ ແລະ ສະພາການຄ້າ ອົດສະຕາລີ ປະຈຳ ສປປ ລາວ, ໃຫ້ກຽດເຂົ້າຮ່ວມໂດຍ Mr. Peter Forfge ປະທານ ສະພາການຄ້າ ເອີຣົບ ປະຈຳ ສປປລາວ ແລະ Mr. David Ormsby ສະພາການຄ້າ ອົດສະຕາລີ ປະຈຳ ສປປ ລາວ ເຊິງຈຸດປະສົງຂອງກອງປະຊຸມ ແມ່ນເພື່ອປຶກສາຫາລື ຮ່ວມມືກັນລະຫວ່າງ ສະພາການຄ້າ ແລະ ອຸດສາຫະກຳ ແຫ່ງຊາດລາວ ແລະ ສະພາການຄ້າ ເອີຣົບ ແລະ ສະພາການຄ້າ ອົດສະຕາລີ ປະຈຳ ສປປ ລາວ ເພື່ອເປັນການສົ່ງເສີມສາຍພົວພັນໃຫ້ແກ່ນັກທຸລະກິດລາວ, ນັກທຸລະກິດເອີຣົບ ແລະ ອົດສະຕາລີໃຫ້ນັບມື້ນັບຫຼາຍຂື້ນ.