ໃນວັນທີ 16 ມີຖຸນາ 2022 ທີ່ ຫ້ອງປະຊຸມຄລາວພາຊາ ກອງປະຊຸມ ພິທີເປີດໂຕແຜນງານການຮ່ວມມື ເພື່ອສົ່ງເສີມວຽກທີ່ມີຄຸນຄ່າ ແລະ ເປັນທຳ ໃນສປປ ລາວ ທີ່ໄດ້ຮັບການສະໜັບສະໜູນຈາກອົງການແຮງງານສາກົນ (ILO)

ເປັນກຽດເຂົ້າຮ່ວມຂອງທ່ານ ປອ ສະຖາບັນດິດ ອິນຊີຊຽງໃໝ່, ຮອງລັດຖະມົນຕີ, ກະຊວງແຜນການ ແລະ ການລົງທຶນ, ທ່ານ ແກລນ ບັກເລ, ຜູ້ອຳນວຍການຫ້ອງການ ອົງການແຮງງານສາກົນ ປະຈຳປະເທດໄທ, ກຳປູເຈຍ ແລະ ສປປ ລາວ, ທ່ານ ລີປາວ ຢ່າງ, ຮອງລັດຖະມົນຕີກະຊວງແຮງງານ ແລະ ສະຫວັດດີການສັງຄົມ, ທ່ານ ອຸເດດ ສຸວັນນະວົງ, ປະທານ ສະພາການຄ້າ ແລະ ອຸດສາຫະກຳ ແຫ່ງຊາດລາວ, ທ່ານ ວິໄລ ວົງຂະເສີມ, ຮອງປະທານ ສູນກາງສະຫະພັນກຳມະບານລາວ

ຈຸດປະສົງແມ່ນເພື່ອ ເປີດແຜນງານ ແລະ ເຊັນບົດບັນທືກ ລະຫວ່າງ ສປປ ລາວ  ແລະ ອົງການແຮງງານສາກົນ ໃນແຜນງານການຮ່ວມມື ເພື່ອສົ່ງເສີມວຽກທີ່ມີຄຸນຄ່າ ແລະ ເປັນທຳ ໃນສປປລາວ ທີ່ໄດ້ຮັບການສະໜັບສະໜູນຈາກອົງການແຮງງານສາກົນ (ILO) ສົກປີ 2022-2026.