ສະພາການຄ້າ ແລະ ອຸດສາຫະກຳ ແຫ່ງຊາດລາວ ຂໍຖືເປັນກຽດແຈ້ງມາຍັງທ່ານຊາບວ່າ ເພື່ອເປັນການປະຕິບັດການແຈ້ງການຂອງຫ້ອງວ່າການສຳນັກງານນາຍົກລັດຖະມົນຕີ ແລະ ໜ່ວຍງານສະເພາະກິດວ່າດ້ວຍການສຶບຕໍ່ປະຕິບັດມາດຕະການປ້ອງກັນຄວບຄຸມ ແລະ ສະກັດກັ້ນການແຜ່ລະບາດຂອງພະຍາດໂຄວິດ-19 ໃນແຕ່ລະໄລຍະ, ເຊິ່ງເຫັນໄດ້ວ່າ ສະພາບການແຜ່ລະບາດຂອງເຊື້ອພະຍາດຍັງມີລັກສະນະເພີ່ມຂື້ນຢູ່ໃນຂົງເຂດຊຸມຊົນ ແລະ ມີລັກສະນະ ຍັງຈະສືບຕໍ່ປະຕິບັດມາດຕະການປ້ອງກັນ, ຄວບຄຸມ ແລະ ສະກັດກັ້ນຂອງການແຜ່ລະບາດຂອງພະຍາດດັ່ງກ່າວ. ສະນັ້ນ ຈຶ່ງມີຄວາມຈຳເປັນຈະໄດ້ມີການເລື່ອນງານການຈັດວາງສະແດງ ຜະລິດຕະພັນລາວ 2021 (Made In Lao 2021) ເຊິ່ງມີແຜນຈັດຂື້ນໃນວັນທີ 17-26 ທັນວາ 2021 ມາເປັນ ວັນທີ 19-28 ກຸມພາ 2022 ທີ່ສູນການຄ້າລາວ-ໄອເຕັກ.