ນະຄອນຫຼວງວຽງຈັນ – ໂຮງແຮມ ຄຣາວພາຊ່າ ວັນທີ 10 ຕຸລາ 2025,

ທ່ານ ສະເຫຼີມໄຊ ທ່ຽງທຳ, ຄະນະບໍລິຫານງານ ສະພາການຄ້າ ແລະ ອຸດສາຫະກຳແຫ່ງຊາດລາວ (ສຄອຊ), ໃນນາມຮອງປະທານກຳມະທິການຕາງໜ້າຜູ້ໃຊ້ແຮງງານ ສຄອຊ ໄດ້ເຂົ້າເປັນປະທານຮ່ວມໃນ ກອງປະຊຸມ ປະຈໍາໄຕມາດ ກົນໄກການປະສານງານ ແລະ ການຮ່ວມມືສາມຝ່າຍ ໃນການກຽມພ້ອມໄພພິບັດ ໃນ ສປປ ລາວ LDPP ໃຫ້ກຽດເປີດກອງປະຊຸມໂດຍ ທ່ານ ວົງຄໍາ ພັນທະນຸວົງ ຫົວໜ້າກົມສັງຄົມສົງເຄາະ, ກະຊວງແຮງງານ ແລະ ສະຫວັດດີການສັງຄົມ (ຮສສ), ທ່ານ ອຳພອນ ສຸວັນນະລາດ, ໃນນາມຄະນະບໍລິຫານງານ ອົງການຈັດຕັ້ງທາງສັງຄົມລາວ ພ້ອມດ້ວຍ ຂະແໜງການທຸລະກິດ, ກົມ ພະແນກການ, ໂຄງການ ແລະ ແຂກທີ່ຖືກເຊີນ ທີ່ກ່ຽວຂ້ອງເຂົ້າຮ່ວມ.

ສຄອຊ ໃນນາມຕາງໜ້າພາກທຸລະກິດ ແລະ ໃນນາມຕາງໜ້າຜູ້ໃຊ້ແຮງງານ ເຫັນໄດ້ເຖີງຄວາມສຳຄັນໃນການມີສ່ວນຮ່ວມໃນວຽກງານໄພພິບັດ ເຊີ່ງວຽກງານດັ່ງກ່າວແມ່ນນອນໃນແຜນກິດຈະກຳ ເສົາຄ້ຳທີ່ 03 ໃນວຽກງານປົກປ້ອງສັງຄົມ ເພື່ອໃຫ້ໄດ້ບັນລຸເຖີງຈຸດປະສົງ ແລະ ເປົ້າໝາຍໃນການປົກປ້ອງສັງຄົມໃຫ້ທົ່ວເຖີ່ງ ເວົ້າລວມ ເວົ້າສະເພາະກໍ່ແມ່ນການໃຫ້ຄວາມສຳຄັນວຽກງານໄພພິບັດ ແລະ ເປັນແຜນກິດຈະກຳໜື່ງທີ່ນອນໃນແຜນຍຸດທະສາດຂອງແຜນກິດຈະກຳຂອງ ສຄອຊ. ການຈັດຕັ້ງປະຕິບັດກິດຈະກຳໃນໄລຍະຜ່ານ ທາງ ສຄອຊ ໄດ້ມີສ່ວນຮ່ວມໃນການຈັດຕັ້ງປະຕິບັດ ເຊັ່ນ ຈັດຕັ້ງປະຕິບັດ ເຜີຍແຜ່ TOR ຂອງກົນໄກ LDPP , ກົດໝາຍວ່າດ້ວຍຄຸ້ມຄອງໄພພິິບັດ, ແຜນຍຸດທະສາດກ່ຽວກັບຄຸ້ມຄອງໄພພິບັດ ແຫ່ງຊາດ.