ໃນວັນທີ 29 ມິຖຸນາ 2023, ທ່ານ ນາງ ຈັນທະຈອນ ວົງໄຊ, ຮອງປະທານ ສະພາການຄ້າ ແລະ ອຸດສາຫະກຳ ແຫ່ງຊາດລາວ ໄດ້ເຂົ້າຮ່ວມພິທີເປີດງານ

the 24th Vientiane World Korea Forum 2023 ທີ່ ມະຫາວິທະຍາໄລແຫ່ງຊາດລາວ, ນະຄອນຫຼວງວຽງຈັນ.

ຈຸດປະສົງ ເພື່ອເປີດໂອກາດ ແລະ ຂະຫຍາຍຂອບເຂດການແລກປ່ຽນທຸລະກິດ ແລະ ການຮ່ວມມືດ້ານເສດຖະກິດລະຫວ່າງ 2 ປະເທດໃນຂະແໜງການຕ່າງໆເຊັ່ນ: ການສຶກສາ, ການຂົນສົ່ງ, ຂະແໜງການຜະລິດ, ການນຳເຂົ້າ-ສົ່ງອອກສິນຄ້າ ແລະ ອື່ນໆ.

ພ້ອມດຽວກັນນັ້ນ

ໃນວັນທີ 30 ມິຖຸນາ 2023, ທ່ານ ທະນົງສິນ ກັນລະຍາ, ຮອງປະທານ ສະພາການຄ້າ ແລະ ອຸດສາຫະກຳ ແຫ່ງຊາດລາວ ແລະ ທ່ານ BAE, HAE DONG ປະທານ ສະພາການຄ້າ ແລະ ອຸດສາຫະກຳ ອັນຢາງ, ສ.ເກົາຫຼີ ໄດ້ຮ່ວມລົງນາມເຊັນ MOU ຮ່ວມກັນໃນການສ້າງສາຍພົວພັນການຮ່ວມມືລະຫວ່າງ ສຄອຊ ແລະ ສຄອ ອັນຢາງ, ສ.ເກົາຫຼີ. ເຊິ່ງພາຍໃນງານດັ່ງກ່າວເປັນກຽດເຂົ້າຮ່ວມຈາກຕາງໜ້າຈາກພາກລັດ, ຕາງໜ້າຈາກພາກທຸລະກິດລາວ ແລະ ຕ່າງປະເທດ, ຕາງໜ້າຈາກຄູອາຈານ ແລະ ນັກສຶກສາມະຫາວິທະຍາໄລແຫ່ງຊາດລາວ ຈຳນວນ 100 ທ່ານ.