ທ່ານ ຈາງ ເວີຍເວີຍ ຜູ້ຕ່າງໜ້າສູນເສດຖະກິດການຄ້າອາຊຽນ-ຈີນ ແລະ ທ່ານ ພຸດທະສອນ ພົມວິໄສ ຫົວໜ້າສູນບໍລິການ SME, ສະພາການຄ້າ ແລະ ອຸດສາຫະກຳແຫ່ງຊາດລາວ ໄດ້ລົງນາມໃນສັນຍາຮ່ວມມືຍຸດທະສາດ

ໃນວັນ​ທີ 29 ສິງຫາ 2024, ໄດ້​ມີພິທີລົງ​ນາມ​ໃນ ສັນຍາ​ຮ່ວມ​ມື​ຍຸດ​ທະ​ສາດ ລະຫວ່າງ ສູນ​ເສດຖະກິດ​ການ​ຄ້າ​ອາ​ຊຽນ-ຈີນ (CABC) ​ແລະ ສູນບໍລິການ SME (SSC), ສະພາ​ການ​ຄ້າ​ແລະ​ອຸດສາຫະກຳ​ແຫ່ງ​ຊາດ​ລາວ​ ພາຍໃຕ້ການເປັນປະທານໂດຍ ທ່ານ ສົມຈິດ ອິນທະມິດ ທີ່ປຶກສາກິດຕິມະສັກ ສະພາການຄ້າ ແລະ ອຸດສາຫະກຳແຫ່ງຊາດລາວ, ທ່ານ ລຽງ ອີກວາງ,ຮອງເລຂາທິການໃຫຍ່ຄະນະເລຂາທິການ ງານວາງສະແດງສິນຄ້າຈີນ-ອາຊຽນ, ແລະ ທ່ານ ສຽງ ຊີລິນ, ຮອງຜູ້ຈັດການໃຫຍ່ກຸ່ມ ບໍລິສັດວາງສະແດງສາກົນກວາງຊີ ໄດ້ເຂົ້າຮ່ວມພິທີລົງນາມ ແລະ ກ່າວຄຳປາໄສ, ໂດຍມີ ທ່ານ ວົງ​ປາ​ໂນ ​ສີ​ປະເສີດ, ກົງ​ສຸນ​ໃຫຍ່​ ແຫ່ງ ສປປ ລາວ ປະຈຳນະຄອນນານໜິງ ແຂວງ ກວາງຊີ, ທ່ານ ຫຸມ​ເພັງ ເທືອມ​ບຸນ​ມີ, ຮອງຫົວໜ້າກົມ, ກົມສົ່ງເສີມ ແລະ ປະຢັດພະລັງງານ, ກະຊວງ​ພະລັງງານ ​ແລະ ບໍ່​ແຮ່ ພ້ອມ​ທັງ​ຄະນະຈາກ ສປປ ລາວ ແລະ ກອງ​ເລຂາ​ງານ​ວາງສະ​ແດງ​ສິນຄ້າ​ອາ​ຊຽນ, ການ​ລົງທຶນ ດ້ານ​ເສດຖະກິດ​ການ​ຄ້າ​ສາກົນ​ກວາງຊີ​ປະມານ 60ຄົນ​ລວມທັງ​ບຸກຄົນ​ທີ່ ກ່ຽວຂ້ອງ​ຂອງ​ບໍລິສັດ ​ແລະ ​ຜູ້ຕ່າງໜ້າ​ສະມາຄົມ​ ແລະ​ ວິ​ສາ​ຫະກິດ​ທີ່​ກ່ຽວຂ້ອງ ຂອງ​ຈີນ​ ແລະ ​ລາວ​ເຂົ້າ​ຮ່ວມເປັນພະຍານໃນພິທີດັ່ງກ່າວ:

ການ​ເຊັນ​ສັນຍາ​ຮ່ວມ​ມື​ຍຸດ​ທະ​ສາດ​ຄັ້ງ​ນີ້​ເປັນ​ບາດກ້າວ​ທີ່​ສຳຄັນ​ໃນ​ການຍົກ​ລະດັບ ​ແລະ ​ພັດທະນາ​ງານ​ວາງສະ​ແດງ​ສິນຄ້າ​ຈີນ-ອາ​ຊຽນ, ​ແລະ​ ມີ​ຄວາມ​ໝາຍ​ອັນ​ໃຫຍ່​ຫຼວງ ຕໍ່​ການ​ຊຸກຍູ້​ການ​ຮ່ວມ​ມື​ດ້ານ​ເສດຖະກິດ​ການ​ຄ້າ​ລະຫວ່າງ​ຈີນ-ລາວ. ສອງ​ຝ່າຍຝ່າຖືກລົງນາມ​ຄັ້ງ​ນີ້​ເປັນ​ໂອກາດ​ໃນ​ການ​ນຳ​ໃຊ້​ເວທີ​ເປີດ​ສູນ​ເສດຖະກິດ​ການ​ຄ້າ ​ເພື່ອ​ເປີດ​ໂອກາດ ໃຫ້​ບັນດາ​ບໍລິສັດ​ລາວ​ເຂົ້າ​ສູ່​ຕະຫຼາດ​ຈີນ​ຕື່ມ​ອີກ, ພ້ອມທັງ​ຍັງເປັນ​ການ​ອຳນວຍ​ຄວາມ​ສະດວກ​ໃຫ້ ບໍລິສັດຈີນເຂົ້າຮ່ວມຕະຫຼາດ​ລາວ​ ແລະ​ ຊຸກຍູ້​ການ​ຮ່ວມ​ມື​ດ້ານ​ການ​ລົງທຶນ. ການ​ຂະຫຍາຍ​ຕົວຂອງຕະຫຼາດ, ແລກປ່ຽນ​ຂໍ້​ມູນ​ຂ່າວສານ ​ແລະ ​ແບ່ງປັນ​ຊັບພະຍາກອນ, ສົມທົບ​ກັນ​ຊຸກຍູ້​ການ​ພັດທະນາແບບ​ຍືນ​ຍົງ​ຂອງ​ເສດຖະກິດ​ຂອງ​ສອງ​ປະ​ເທດ, ສ້າງ​ກາລະ​ໂອກາດ​ດ້ານ​ການ​ຄ້າ ​ແລະ ການ​ລົງທຶນ​ໃຫ້ ບັນດາ​ວິ​ສາ​ຫະກິດ​ຂອງ​ສອງ​ປະ​ເທດ, ພ້ອມ​ທັງ​ມີ​ຄວາມ​ມານະ​ພະຍາຍາມ​ຢ່າງ​ຕັ້ງໜ້າ ​ແລະ ​ແທ້ຈິງ​ເພື່ອ​ຊຸກຍູ້​ການ​ກໍ່ສ້າງ​ປະຊາ​ຄົມ​ຮ່ວມ​ມື. ອະນາຄົດ​ລະຫວ່າງ​ຈີນ​ກັບ​ລາວ ​ແລະ ​ເພີ່ມ ທະວີ​ການ​ຮ່ວມ​ມື​ຍຸດ​ທະ​ສາດ​ຮອບດ້ານ​ຈີນ-ອາ​ຊຽນ.

ພາຍຫຼັງ​ພິທີ​ລົງ​ນາມ​ແລ້ວ, ຍັງໄດ້ມີກອງ​ປະຊຸມ​ເສດຖະກິດ​ການ​ຄ້າ​ຈີນ-ລາວ​ຍັງ​ໄດ້​ຈັດ​ຂຶ້ນ. ໂດຍມີ ທ່ານ ສົມຈິດ ອິນທະມິດ ທີ່ປຶກສາກິດຕິມະສັກ ສະພາການຄ້າ ແລະ ອຸດສາຫະກຳແຫ່ງຊາດລາວ ໄດ້ນຳສະເໜີກ່ຽວກັບທ່າແຮງ ການລົງທຶນຂອງລາວ, ຂັ້ນຕອນການລົງທຶນ ແລະ ນະໂຍບາຍແຮງຈູງໃຈຂອງບັນດາຜູ້ຕ່າງໜ້າບໍລິສັດຈີນ ກ່ຽວກັບວິທີທາງ ແລະ ຂໍ້ຫຍຸ້ງຍາກໃນການລົງທຶນຢູ່ລາວ. ກອງ​ປະຊຸມຄັ້ງ​ນີ້​ ຈະ​ຊ່ວຍ​ໃຫ້​ວິ​ສາ​ຫະກິດ​ຈີນ​ມີ​ຄວາມ​ເຂົ້າ​ໃຈ​ຢ່າງ​ເລິກ​ເຊິ່ງກ່ຽວ​ກັບ​ສະພາບ​ແວດ​ລ້ອມ​ພື້ນຖານ, ການ​ສະໜັບສະໜູນ​ດ້ານ​ນະ​ໂຍບາຍ, ໂອກາດທາງ​ການ​ຕະຫຼາດ, ຄ່າ​ບໍລິການ​ດ້ານ​ງົບປະມານ​ ແລະ ​ພາສີ-ອາກອນ ​ແລະ ​ອື່ນໆ. ​ເພື່ອ​ສົ່ງເສີມການ​ລົງທຶນ ​ແລະ ​ການ​ພັດທະນາ​ເສດຖະກິດໃນ ສປປ ​ລາວ, ວາງ​ຮາກຖານ​ທີ່​ໝັ້ນຄົງສຳລັບການຂະຫຍາຍ​ຕົວຂອງຕະຫຼາດ​ລາວ​ໃຫ້​ມີ​ການບໍລິການທີ່ມີປະສິດທິ​ພາບ ໃຫ້ບັນດາບໍລິສັດໃນໃນ ສປປ ລາວ ມີຄວາມສາມາດ “ກ້າວໄປສູ່ທົ່ວໂລກ”.