ໃນວັນທີ 3 ເມສາ 2023, ທີ່ ສະພາການຄ້າ ແລະ ອຸດສາຫະກຳແຫ່ງຊາດລາວ

ທ່ານ ດາວວອນ ພະຈັນທະວົງ ຮອງປະທານ ສະພາການຄ້າ ແລະ ອຸດສາຫະກຳແຫ່ງຊາດລາວ ໄດ້ໃຫ້ກຽດຕອນຮັບການເຂົ້າພົບ ຂອງ MR KY Sakun Country Lead, and Head of Customer Development of ບໍລິສັດ ຢູນິລິເວີ ເຊີວີດສ໌ (ລາວ) ຈຳກັດຜູ້ດຽວ, ( Unilever Services (Lao) Sole Co.,Ltd ພ້ອມດ້ວຍຄະນະ, ເຊິ່ງຈຸດປະສົງໃນການຂໍເຂົ້າພົບໃນຄັ້ງນີ້ແມ່ນເພື່ອເປັນການພົບປະໂອ້ລົມແນະນຳບໍລິສັດ ແລະ ລາຍການສິນຄ້າຂອງທາງບໍລິສັດ ບໍລິສັດ ຢູນິລິເວີ ເຊີວີດສ໌ (ລາວ) ຈຳກັດຜູ້ດຽວ ທີ່ໄດ້ນຳເຂົ້າສິນຄ້າ ເພື່ອມາສະໜອງໃຫ້ແກ່ຜູ້ບໍລິໂພກໃນລາວ ໃຫ້ມີຄວາມຫລາກຫລາຍ ແລະ ເຂົ້າເຖິງສິນຄ້າໄດ້ງາຍຂຶ້ນ , ບໍລິສັດ ຢູນິລິເວີ ເຊີວີດສ໌ (ລາວ) ຈຳກັດຜູ້ດຽວ ມີທັງໝົດ 18 ສາຂາໃນລາວ, ເຊິ່ງມີສີນຄ້າຫຼາຍກວ່າ 295ລາຍການ ທີ່ນຳເຂົ້າມາຈຳໜ່າຍ, ເຊິ່ງສິນຄ້າຫຼັກທີ່ ຜູ້ບໍລິໂພກນິຍົມແມ່ນສິນຄ້າທີ່ນຳເຂົ້າຈາກປະເທດໄທ ໂດຍທຸກຜະລິດຕະພັນແມ່ນໄດ້ຕິດສະຫຼາກ ແລະ ປະຕິບັດຕາມລະບຽບກົດຫມາຍຂອງ ສປປ ລາວ.