ພິທີເຊັນບົດບັນທຶກຄວາມເຂົ້າໃຈລະຫວ່າງ ສະພາການຄ້າ ແລະ ອຸດສາຫະກຳ ແຫ່ງຊາດລາວ ແລະ ສະຫະພາບສະພາການຄ້າ ແລະ ແລກປ່ຽນສິນຄ້າ ຕວັກກີ, ໃນວັນທີ 10 ກໍລະກົດ 2024, ທີ່ ປະເທດ ຕວັກກີ.

ທ່ານ ອຸເດດ ສຸວັນນະວົງ, ປະທານ ສະພາການຄ້າ ແລະ ອຸດສາຫະກຳ ແຫ່ງຊາດລາວ ໄດ້ໄປຢ້ຽມຢາມເຂົ້າຮ່ວມພົບປະ ແລະ ຮ່ວມເຊັນບົດບັນທຶກຄວາມເຂົ້າໃຈກັບ ສະຫະພາບສະພາການຄ້າ ແລະ ແລກປ່ຽນສິນຄ້າ ຕວັກກີ, ເຊິງຈຸດປະສົງຂອງການ ຢ້ຽມຢາມເຂົ້າຮ່ວມພົບປະ ແລະ ຮ່ວມເຊັນສັນຍາ ໃນຄັ້ງນີ້ແມ່ນເພື່ອເປັນການ ເພິ່ມການຮ່ວມມືໃນທາງດ້ານການຄ້າ ແລະ ເສດຖະກິດ, ເພື່ອອຳນວຍຄວາມສະດວກການຮ່ວມມືຫຼາຍຝ່າຍທາງດ້ານການຄ້າ, ການລົງທຶນ. ສົ່ງເສີມ ແລະ ຂະຫຍາຍການຄ້າການລົງທຶນ ແລະ ການໄຫຼວຽນຂອງເງິນຕາ. ແລະ ເພື່ອສ້າງຕັ້ງ ສະພາການຄ້າ ແລະ ອຸດສາຫະກຳ ຕວັກກີ-ລາວ.