ກອງປະຊຸມພົບປະລະຫວ່າງ ກົມພາສີ ແລະ ສະພາການຄ້າ ແລະ ອຸດສາຫະກຳ ແຫ່ງຊາດລາວ ຈັດຂື້ນ ໃນວັນທີ 30 ເມສາ 2018 ທີ່ ສຄອ ແຫ່ງຊາດລາວ

ໂດຍໃຫ້ກຽດການເປັນປະທານຂອງ ທ່ານ ນາງ ວາລີ ເວດສະພົງ ຮອງປະທານ ສຄອ ແຫ່ງຊາດລາວ ແລະ ທ່ານ ບຸນປະເສີດ ສີກຸນລະບຸດ ຮັກສາການຫົວໜ້າກົມພາສີ ກະຊວງການເງີນ ກອງປະຊຸມໃນຄັ້ງນີ້ແມ່ນຈັດຂື້ນເພື່ອປຶກສາຫາລືບັນຫາທີ່ພາກທຸລະກິດສະເໜີ ຕໍ່ ລັດຖະການພາສີ: ການສະເໜີປັບປຸງຂອດຂັ້ນ ການນຳເຂົ້າສິນຄ້າ (ໂດຍສະເພາະສິນຄ້າທີ່ໄດ້ຮັບການຍົກເວັ້ນພາສີ) ແລະ ການຄົ້ນຄ້ວາແຜນນຳເຂົ້າ Master List, ການພິຈາລະນາປັບປຸງຂໍ້ກຳນົດການນຳເຂົ້າບໍ່ໃຫ້ເກີນທືນຈົດທະບຽນ, ການສະເໜີຍືດເວລາບໍລິການຂອງຂະແໜງການລັດຢູ່ດ້ານພາສີຊາຍແດນ, ການສະເໜີປັບປຸງຄຸ້ມຄອງຕູ້ສິນຄ້າເປົ່າ, ການສະເໜີປັບປຸງຄຸ້ມຄອງອະນຸຍາດສິນຄ້າຜ່ານແດນສາກົນ, ການສະເໜີປັບປຸງຄຸ້ມຄອງກວດກາການນຳເຂົ້າ-ສົ່ງອອກ ສິນຄ້າ, ເຄື່ອງຂອງ ຜ່ານດ່ານທ້ອງຖິ່ນ ແລະ ດ່ານປະເພນີ. ນອກຈາກນີ້ ໃນທີ່ກອງປະຊຸມ ຄະນະປະທານ ຍັງໄດ້ມີຄໍາເຫັນຊີ້ແຈງເຖິງບັນຫາດັ່ງກ່າວ ອີກດ້ວຍ.