ໃນວັນທີ 16 ກຸມພາ 2018 ສະພາການຄ້າ ແລະ ອຸດສາຫະກໍາ ແຫ່ງຊາດລາວ ໄດ້ຈັດກອງປະຊຸມວິຊາການກ່ຽວກັບ   “ການນໍາໃຊ້ປະໂຫຍດຂອງຂໍ້ຕົກລົງທາງດ້ານການຄ້າເສລີ” ທີ່ ຫ້ອງປະຊຸມ ສຄອຊ,

ໂດຍການເປັນປະທານຂອງ ທ່ານ ສາ ສີລິພົງ ຮອງຫົວໜ້າກົມ ສົ່ງເສີມວິສາຫະກິດຂະໜາດນ້ອຍ ແລະ ກາງ, ກະຊວງ ອຸດສາຫະກໍາ ແລະ ການຄ້າ ແລະ ທ່ານ ບຸດເລີດ ຫຼວງປະເສີດ ຮອງປະທານກວດກາ ສະພາການຄ້າ ແລະ ອຸດສາຫະກໍາ ແຫ່ງຊາດລາວ

ເຊິ່ງຈຸດປະສົງໃນການຈັດກອງປະຊຸມໃນຄັ້ງນີ້ແມ່ນ ເພື່ອເຜີຍແຜ່ບົດຮຽນທີ່ທາງວິຊາການໄດ້ໄປຝຶກອົບຮົມມາ ແລະ ຮຽນຮູ້ເຂົ້າໃຈກ່ຽວກັບສະຖານະການຂອງ SME ໃນບັນດາປະເທດ GMS ໃນລະຫວ່າງ ວັນທີ 4 -8 ທັັນວາ 2017 ທີ່ຂອນແກ່ນ ທີ່ຜ່ານມານີ້. ໃຫ້ແກ່ຫົວໜ່ວຍທຸລະກິດ ແລະ ພາກລັດ ທີ່ກ່ຽວຂ້ອງ:

• ເພື່ອເຂົ້າໃຈຄວາມສໍາຄັນຂອງການຄ້າເສລີ ແລະ ຂັ້ນຕອນການນໍາໃຊ້ໃນການຄ້າ ພາກພື້ນ ແລະ ສາກົນ.
• ກໍານົດບັນດາສິ່ງທ້າທາຍໃຫ່ມໃນການນໍາໃຊ້ການຄ້າເສລີ (FTA) ນອກເໜືອຈາກການຫຼຸດຜ່ອນອັດຕາພາສີ.
• ເພື່ອເຂົ້າໃຈສະຖານະການຂອງ SME ໃນບັນດາປະເທດ GMS ແລະ ຄວາມສໍາຄັນຂອງມັນໃນການເຂົ້າຮ່ວມ
• ເຂົ້າໃຈການຄ້າເສລີໃນບັນດາສະມາຊິກອາຊຽນ ແລະ ປະເທດຄູ່ເຈລະຈາ.
• ເພື່ອສົ່ງເສີມການແລກບົດຮຽນ ກັບບັນດາປະເທດທີ່ເຂົ້າຮ່ວມ.

ໂຄງການດັ່ງກ່າວມີຈຸດປະສົງເພື່ອສ້າງຄວາມອາດສາມາດໃຫ້ແກ່  SMEs  ແລະ ຜູ້ຕາງໜ້າຈາກໜ່ວຍງານຂອງພາກລັດ, ພາກເອກກະຊົນ, ສະມາຄົມທຸລະກິດຜູ້ສົ່ງອອກ ແລະ ຜູ້ນໍາເຂົ້າບັນດາປະເທດ GMS. ກອງປະຊຸມເຜີຍແຜ່ນີ້ຈະເປັນປະໂຫຍດແກ່ບັນດາບໍລິສັດເພື່ອສ້າງຄວາມຮູ້ຄວາມເຂົ້າໃຈຂອງເຂົາເຈົ້າທີ່ຈໍາເປັນເພື່ອການນໍາໃຊ້ FTAs ໃນທຸລະກິດຂອງເຂົາເຈົ້າ ແລະ ການຄ້າໃນຕະຫຼາດລະດັບພາກພື້ນ ແລະ ສາກົນ.