ການຝຶກອົບຮົມໃນຫົວຂໍ້ : “ຫຼັກສູດການ ທົບທວນຄືນ ການຈັດຕັ້ງປະຕີບັດ 5 ສ ໃນອົງກອນ ຢ່າງຢືນຢົງ ເພື່ອສ້າງຄວາມສຳເລັດ ໃນການພັດທະນາບຸກຄະລາກອນຢ່າງມືອາຊີບ” ໄດ້ຈັດຂື້ນໃນວັນທີ 17– 21 /12/2018, ທີ່ ສະພາການຄ້າ ແລະ ອຸດສະຫະກຳແຫ່ງຊາດລາວ

ໂດຍຮັບກຽດການເປັນປະທານຮ່ວມ ຂອງ ທ່ານ ນາງ ຈັນທະຈອນ ວົງໄຊ , ຮອງປະທານ ສະພາການຄ້າ ແລະ ອຸດສະຫະກຳແຫ່ງຊາດລາວທ່ານ ໂນດະ ຢູ່ເທໂຣະ ( Mr. Noda  YUTARO ) ເລຂາ ສອງ ຈາກ ສະຖານທູດຍີປຸ່ນ ປະຈຳ ສປປ ລາວ, ທ່ານ ນາງ Tomoe WATANABE (ໂທໂມະ ວາຕານາເບະ), ຜູ້ປະສານງານ ສະມາຄົມ ສົ່ງເສີມ ການຮ່ວມມືດ້ານວິຊາການແບບຢືນ ຍົງ ແ ຫ່ງ ປະເທດຍີ່ປຸ່ນ (AOTS) ປະຈຳພາກພື້ນ, ທ່ານ  ອາຈານ ອາພິຊາດ ຍີມແສງ, ວິທະຍາກອນ ແລະ ຄູຝຶກ  ແຫ່ງສະມາຄົມ ສົ່ງເສີມດ້ານເຕັກໂນໂລຊີ (Technology Promotion Association).  TPA ແຫ່ງປະເທດໄທ.

ຈຸດປະສົງ ຂອງ ການຈັດຝຶກອົບຮົມໃນຄັ້ງນີ້, ກໍ່ເພື່ອທົບທວນຄືນບັນດາບັດຮຽນ 5 s, Kaizen , 7 QC tools  ເພື່ອຊ່ວຍໃຫ້ຜູ້ເຂົ້າຮ່ວມມີຄວາມເຂົ້າໃຈຢ່າງເລີກເຊີ່ງຂື້ນກ່ວາເກົ່າໃນການຈັດຕັ້ງປະຕິບັດ, ພ້ອມດຽວກັນນັ້ນ ຍັງໄດ້ນຳສະເໜີບົດຕົວຈີງຂອງຕົນເອງທີ່ໄດ້ປະຕີບັດຜ່ານມາຕໍ່ວຽກງານດັ່ງກ່າວໃນອົງກອນຂອງຕົນໃຫ້ກັບບັນດາບໍລິສັດໄດ້ຮັບຟັງ ເພື່ອຖອນຖອດບົດຮຽນ ແລະ ແລກປ່ຽນປະສົບການ ເຊີງກັນ ແລະ ກັນ.