ຮຽນ: ທ່ານ ປະທານສະມາຄົມ ແລະ ກຸ່ມທຸລະກິດ ແລະ ສະມາຊິກ ສຄອ ແຫ່ງຊາດ ທີ່ນັບຖື

ເລື່ອງ: ເຊີນເຂົ້າຮ່ວມການແຂ່ງຂັນສີມືແຮງງານແຫ່ງຊາດຄັ້ງທີ 4 ເຊິ່ງຈະໄດ້ຈັດຂຶ້ນໃນຕົ້ນປີ 2020 ແລະ ເຂົ້າຮວ່ມການ ແຂ່ງຂັນສີມືແຮງງານອາຊຽນ ຄັ້ງທີ13 ທີ່ຈະໄດ້ຈັດຂຶ້ນໃນ ເດືອນສິງຫາ 2020 ທີ່ປະເທດ ສາທາລະນະລັດສິງກະໂປ
– ອີງຕາມແຈ້ງການຈາກ ກະຊວງແຮງງານ ແລະ ສະຫວັດດີການສັງຄົມ , ສະບັບເລກທີ 0883/ຫກ, ລົງວັນທີ 13/3/2019
ສະພາການຄ້າ ແລະ ອຸດສາຫະກຳ ແຫ່ງຊາດລາວ ຂໍຖືເປັນກຽດແຈ້ງມາຍັງ ທ່ານ ປະທານສະມາຄົມ ແລະ ກຸ່ມທຸລະກິດ, ສະມາຊິກ ເພື່ອຄັດເລືອກສະມາຊິກເຂົ້າຮວ່ມການແຂ່ງຂັນສີມືແຮງງານແຫ່ງຊາດຄັ້ງທີ 4 ເຊິ່ງຈະໄດ້ຈັດຂຶ້ນໃນຕົ້ນປີ 2020 ແລະ ເຂົ້າຮວ່ມການແຂ່ງຂັນສີມືແຮງງານອາຊຽນ ຄັ້ງທີ13 ທີ່ຈະໄດ້ຈັດຂຶ້ນໃນ ເດືອນສິງຫາ 2020 ທີ່ປະເທດ ສາທາລະນະລັດສິງກະໂປ. ຈຸດປະສົງ ສົ່ງເສີມສີມືແຮງງານລາວ ໃນການພັດທະນາຄວາມຮູ້, ຄວາມສາມາດໃນດ້ານວິຊາຊີບ ແລະ ເພື່ອຜົນປະໂຫຍດຂອງພາກທູລະກິດ ແລະ ເພື່ອໃຫ້ແຮງງານສາມາດແຂ່ງຂັ່ນໃນລະດັບຊາດ ແລະ ລະດັບອາຊຽນ ພ້ອມທັງເປັນການສ້າງໂອກາດ ໃຫ້ພາກສວ່ນທີ່ກຽ່ວຂ້ອງຄື: ທັງພາກລັດ ແລະ ເອກະຊົນ ໄດ້ມີສ່ວນຮ່ວມໃນການແຂ່ງຂັນສີມືແຮງງານແຫ່ງຊາດ ແລະ ແຂ່ງຂັນສີມືແຮງງານອາຊຽນໃນຄັ້ງນີ້.( ເຊຶ່ງລາຍລະອຽດຂອງ ເງຶ່ອນໄຂ ແລະ ຜົນປະໂຫຍດຂອງຜູ້ທີ່ຈະສະຫມັກເຂົ້າຮວ່ມແຂ່ງຂັນ ພ້ອມທັງລາຍຊື່ສາຂາວິຊາຊີບ ແມ່ນຄັດຕິດມາພ້ອມນີ້)
ດັ່ງນັ້ນ, ຈຶ່ງຂໍແຈ້ງມາຍັງ ທ່ານປະທານ ສະມາຄົມ ແລະ ກຸ່ມທຸລະກິດ ເພື່ອຄັດເລືອກຜູ້ເຂົ້າຮ່ວມແຂ່ງຂັນສີມືແຮງງານແຫ່ງຊາດ ຄັ້ງທີ 4 ແລະ ແຂ່ງຂັນສີມືແຮງງານອາຊຽນຄັ້ງທີ 13, ໃນຂອບເຂດສາຂາວິຊີບທີ່ຕົນຮັບຜິດຊອບ ນີ້ດວ້ຍ .