ເງື່ອນໄຂການເຂົ້າເຖິງແຫຼ່ງທຶນດອກເບ້ຍ 3% ຂອງ ທສວ

1 ຂໍ້ມູນພື້ນຖານດ້ານສິນເຊື່ອ

ສະກຸນເງິນ: ການປ່ອຍກູ້ແມ່ນເປັນ ເງິນກີບ; ອັດຕາດອກເບ້ຍ: ດອກເບ້ຍ ແມ່ນ 3% ຕໍ່ປີ;
ໄລຍະເວລາກູ້:

– ທຶນຫມູນວຽນ ບໍ່ເກີນ 5 ປີ;
– ທຶນຄົງທີ່ ບໍ່ເກີນ 10 ປີ.

ວົງເງິນໃຫ້ກູ້ຢືມສູງສຸດ:

– ຈຸນລະວິສາຫະກິດ ບໍ່ເກີນ 1,5 ຕື້ກີບ/ສັນຍາ;
– ວິສາຫະກິດຂະຫນາດນ້ອຍ ບໍ່ເກີນ 3 ຕື້ກີບ/ສັນຍາ;
– ວິສາຫະກິດຂະຫນາດກາງ ບໍ່ເກີນ 4 ຕື້ກີບ/ສັນຍາ.
ໄລຍະປອດຕົ້ນທຶນ: ກໍານົດ 1-2 ປີ, ຫຼື ອີງຕາມການຕົກລົງເຫັນດີລະຫວ່າງທະນາ ຄານ ກັບ ຜູ້ຂໍສິນເຊື່ອ

II. ສາມາດກູ້ຢືມໄດ້ຈາກ 4 ທະນາຄານທຸລະກິດ
ລາຍຊື່ທະນາຄານ ພ້ອມດ້ວຍເບີຕິດຕໍ່

1. ທະນາຄານ ພັດທະນາລາວ: 021 254138
www.ldblao.la
2. ທະນາຄານ ຮ່ວມທຸລະກິດລາວຫວຽດ: 021 251418
www.laovietbank.com.la
3. ທະນາຄານ ຊາຄອມແບັ້ງລາວ: 021 267979-458, 459
www.sacombank.com.la
4. ທະນາຄານ ມາຣູຮານເຈແປນລາວ: 021 266000 www.MARUHAN Japan Bank Lao Co.,Ltd
ຫມາຍເຫດ: ຈໍານວນທະນາຄານອາດຈະມີການປ່ຽນແປງໃນແຕ່ລະ

III. ເງື່ອນໄຂຂອງວິສາຫະກິດ ທີ່ຈະໄດ້ຮັບສິນເຊື່ອ

1. ຈຸນລະວິສາຫະກິດ, ວິສາຫະກິດຂະຫນາດນ້ອຍ ແລະ ກາງ;
2. ມີແຜນການດໍາເນີນທຸລະກິດທີ່ຈະແຈ້ງ ແລະ ຊັດເຈນ;
3. ໄດ້ຮັບການຝຶກອົບຮົມສ້າງຄວາມເຂັ້ມແຂງຈາກຂະແຫນງ ອຸດສາຫະກໍາ ແລະ ການຄ້າ (ອຄ) ຫຼື ພາກສ່ວນອື່ນ ທີ່ໄດ້ຮັບການຢັ້ງຢືນຢ່າງເປັນທາງການຈາກ ຂະແຫນງ ອຄ;
4. ເປັນວິສາຫະກິດທີ່ຖືບັນຊີ ຕາມກົດຫມາຍວ່າດ້ວຍການບັນຊີ, ບໍ່ເປັນຫນີ້ບໍ່ເກີດດອກອອກຜົນ ຢູ່ນໍາທະນາຄານທຸລະກິດ ຫຼື ສະຖາບັນການເງິນອື່ນ;
5. ເປັນຂະແຫນງການ ຫຼື ຂົງເຂດບູລິມະສິດທີ່ລັດຖະບານ ກໍານົດໃນແຕ່ລະໄລຍະ ແລະ ເປັນຂະແຫນງການທີ່ມີຜົນຕອບແທນດ້ານ ທຸລະກິດ ເພື່ອຮັບປະກັນໃຫ້ ທສວ ມີຄວາມຍືນຍົງ.

IV. ຂະແຫນງການ ບູລິມະສິດ

1. ຂະແຫນງອຸດສາຫະກໍາປຸງແຕ່ງຜະລິດຕະພັນກະສິກໍາ ໂດຍສະ ເພາະແມ່ນ ອຸດສາຫະກໍາປຸງແຕ່ງອາຫານ ແລະ ອຸດສາຫະກໍາອື່ນທີ່ພົວພັນກັບການປຸງແຕ່ງຜະລິດຕະພັນກະສິກໍາ;
2. ຂະແຫນງຫັດຖະກໍາ ເຊັ່ນ: ຫັດຖະກໍາຕ່ໍາຫູກ, ແພພື້ນເມືອງ, ແກະສະລັກ, ຫວາຍ, ໄມ້ປ່ອງ, ເຄື່ອງປັ້ນດິນເຜົາ, ເຄື່ອງເງິນ-ຄໍາ ແລະ ເອ້ຢ້ອງ;
3. ຂະແຫນງກະສິກໍາ ປູກຝັງ ແລະ ລ້ຽງສັດ ເຊັ່ນ: ພືດຜັກປອດສານພິດ, ກາເຟ, ຊາ, ສາລີ, ມັນຕົ້ນ, ຢາງພາລາ, ຟາມລ້ຽງສັດ (ຫມູ, ງົວ, ຄວາຍ, ເປັດ, ໄກ່), ແນວພັນປາ; ຂະແຫນງທ່ອງທ່ຽວ ເຊັ່ນ: ການນໍາທ່ຽວ, ການສ້າງ ຫຼື ສ້ອມແປງ ແຫຼ່ງທ່ອງທ່ຽວ, ການບໍລິການສະຖານທີ່ພັກແຮມ, ການບໍລິ ການຮ້ານອາຫານ, ຮ້ານຂາຍເຄື່ອງທີ່ລະນຶກ.

V. ຂົງເຂດບູລິມະສິດ

ເຂດຫ່າງໄກສອກຫຼີກ ແລະ ເຂດທຸກຍາກ ທີ່ປະກອບມີ 03 ຈຸດ ສຸມຄື:
1. ຈຸດສຸມພັດທະນາຊົນນະບົດ ແລະ ລຶບລ້າງຄວາມທຸກຍາກ;
2. ຈຸດສຸມຈັດສັນພູມລໍາເນົາ ແລະ ອາຊີບ;
3. ຈຸດສຸມເປົ້າຫມາຍສ້າງບ້ານໃຫ່ຍ ໃຫ້ເປັນຕົວເມືອງນ້ອຍ ໃນ
ຊົນນະບົດ.

VI ເປົ້າຫມາຍການນໍາໃຊ້ທຶນ

1. ທຶນຫມູນວຽນເພື່ອຂະຫຍາຍການຜະລິດ ແລະ ການຈ້າງງານ;
2. ທຶນຄົງທີ່ເພື່ອປ່ຽນຖ່າຍເຄື່ອງຈັກ ຫຼື ປັບປຸງເຕັກໂນໂລຊີ, ນໍາໃຊ້ເຕັກໂນໂລຊີ ເພື່ອເພີ່ມຜະລິດຕະພາບການຜະລິດ ແລະ ການບໍລິການ ເຊັ່ນ: ການນໍາໃຊ້ ICT ເຂົ້າຊ່ວຍການບໍລິຫານ ຈັດການ ຫຼື ບັນຊາຂະບວນການຜະລິດ, ການຂະຫຍາຍການ ຜະລິດ ແລະ ການເພີ້ມການຈ້າງງານ, ການສ້າງນະວັດຕະກໍາ ກີໃນການຜະລິດ, ການອອກແບບ ແລະ ຄຸ້ມຄອງທຸລະກິດ;
3. ທຶນຫມູນວຽນ ຫຼື ທຶນຄົງທີ່ ເພື່ອການຜະລິດເປັນສິນຄ້າເພື່ອສົ່ງອອກແມ່ນຖືເປັນບູລິມະສິດຫຼັກ.

ໃນກໍລະນີຜູ້ປະກອບກິດຈະການ ທີ່ ຍັງບໍ່ທັນໄດ້ຮັບການຝຶກອົບຮົມສ້າງ ຄວາມເຂັ້ມແຂງຈາກຂະແຫນງອຸດ ສາຫະກໍາ ແລະ ການຄ້າ ຫຼື ພາກສ່ວນທີ່ກ່ຽວຂ້ອງ.
ໃຫ້ປະສານຂໍຂໍ້ມູນຈາກກົມສົ່ງເສີມວິສາຫະກິດ ຂະຫນາດນ້ອຍ ແລະ ກາງ , ສູນບໍລິການ SME ທີ່ຕັ້ງຢູ່ ສະພາການຄ້າ ແລະ ອຸດສາຫະກໍາແຫ່ງຊາດລາວ.
ໃນກໍລະນີຜູ້ປະກອບ ກິດຈະການທີ່ຍັງບໍ່ໄດ້ຖື ບັນຊີຕາມກົດຫມາຍວ່າດ້ວຍການບັນຊີ?
ຜູ້ປະກອບກິດຈະການ ຕ້ອງໄດ້ສ້າງລະບົບບັນຊີ ຂອງຕົນໃຫ້ຖືກຕ້ອງຕາມກົດຫມາຍ.

ຕິດຕໍ່:
ກະຊວງອຸດສາຫະກໍາ ແລະ ການຄ້າ ກົມສົ່ງເສີມວິສາຫະກິດຂະຫນາດນ້ອຍ ແລະ ກາງ (ກສວ) ່ ກອງທຶນສົ່ງເສີມວິສາຫະກິດຂະຫນາດນ້ອຍ ແລະ ກາງ (ທສວ).
ຖະຫນົນຫນອງບອນ, ນະຄອນຫຼວງວຽງຈັນ, ສປປ ລາວ
ໄປສະນີ 474 ເປີໂທ: (+856-21) 414064 ຕໍ່ 305 (ຕິດຕໍ່ ກ່ຽວກັບສິນເຊື່ອ) ເບີໂທ: (+856-21)417 435 (ຕິດຕໍ່ ກ່ຽວກັບການສ້າງແຜນທຸລະກິດ) ແຟັກ: (+856-21) 410005;
ເວັບໄຊ: www.dosmep.org • Facebook: Department of Small and Medium Enterprise Promotion

ຂໍ້ມູນຈາກ: ກອງທຶນສົ່ງເສີມວິສາຫະກິດຂະຫນາດນ້ອຍ ແລະ ກາງ (ທສວ)