ກອງປະຊຸມສຸດຍອດທຸລະກິດ ແລະ ການລົງທຶນອາຊຽນ-ABIS ສ້າງເງື່ອນໄຂໃຫ້ແກ່ການຮ່ວມມືລາວ-ຈີນ

ວັນທີ 10 ຕຸລານີ້, ໄດ້ມີພິທີເຊັນສັນຍາຮ່ວມມືດ້ານການຊຸກຍູ້ການຮ່ວມມືອຸດສາຫະກໍາການຂົນສົ່ງ, ເສດຖະກິດ-ການຄ້າ ແລະຍຸດທະສາດ ລະຫວ່າງພາກລັດຖະບານ ກັບວິສາຫະກິດຂອງສອງປະເທດລາວ-ຈີນ ໂດຍຜ່ານກອງປະຊຸມທຸລະກິດ ແລະ ການລົງທຶນສຸດຍອດອາຊຽນທີ່ຈັດຂຶ້ນໃນນະຄອນຫຼວງວຽງຈັນລະຫວ່າງວັນທີ 8-11 ຕຸລາ 2024 ແນໃສ່ຈຸດປະສົງເພື່ອສ້າງເງື່ອນໄຂໃຫ້ແກ່ການຮວ່ມມືລາວ-ຈີນກ້າວສູ່ຜົນສຳເລັດໃໝ່ໃຫຍ່ຫຼວງກວ່າເກົ່າ.

ໃນເວທີດັ່ງກ່າວ, ສະພາການຄ້າ ແລະອຸດສາຫະກໍາແຫ່ງຊາດລາວ ໄດ້ເຊັນສັນຍາຮ່ວມມື ກັບຕາແສງມາຝາງ ເມືອງຜິງກູ່ ນະຄອນຫຼວງປັກກິ່ງ ວ່າດ້ວຍການສົ່ງເສີມການຮ່ວມມືທາງດ້ານອຸດສາຫະກໍາ ແລະ ໂລຈິດຕິກ, ຫຼັງຈາກນັ້ນ, ສະພາການຄ້າ ແລະ ອຸດສາຫະກໍາແຫ່ງຊາດລາວ ຍັງໄດ້ເຊັນສັນຍາຮ່ວມມືກັບເຂດພັດທະນາໂລຈິສຕິກຈິ່ງຜິງ ນະຄອນຫຼວງປັກກິ່ງ ກ່ຽວກັບການສົ່ງເສີມການຮ່ວມມືທາງດ້ານການຄ້າລະຫວ່າງ ລາວ-ຈີນ, ນອກນັ້ນ,

ສະມາຄົມການຄ້າມິດຕະພາບ ແລະ ການຮ່ວມມືລາວ-ຈີນ(LCC), ກຸ່ມເຕັກໂນໂລຊີດິຈິຕອລແຫ່ງຊາດລາວ(LADT), ສະມາຄົມຄົ້ນຄວ້າວິໃຈເພີ່ມປະສິດທິພາບພື້ນຖານໂຄງລ່າງພື້ນຖານຂອງຈີນ(COSCC) ແລະ ບໍລິສັດ Far East Credit Rating Co., Ltd (FECR) ໄດ້ລົງນາມໃນສັນຍາຮ່ວມມືໃນທາງຍຸດທະສາດທັ້ງ 4 ຝ່າຍ ແລະ ຮ່ວມກັນເປີດໂຕ “ບົດລາຍງານການຈັດອັນດັບສິນເຊື່ອອະທິປະໄຕໃນບັນດາກຸ່ມປະເທດອາຊຽນ ASEAN Sovereign Credit Rating Report” ແລະ ຍັງມີພິທີເຊັນສັນຍາຮ່ວມມືຍຸດທະສາດລະຫວ່າງ ສະຖາບັນຄົ້ນຄວ້າການຢາສາກົນອາຊຽນ-ຮົງກົງ ກັບສະມາຄົມທຸລະກິດການຢາ ແລະ ຜະລິຕະພັນການແພດລາວ,

ການເຊັນສັນຍາກຸ່ມບໍລິສັດລາວເນເຊັນນໍດິຈິຕ໋ອນເທັກໂນໂລຢີຮ່ວມກັບບໍລິສັດ E-gets ເພື່ອຮ່ວມມືກັນເຊື່ອມໂຍງສະຖານະການຊີວິດດິຈິຕອລໃນທົ່ວພາກພື້ນອາຊຽນ, ແລະ ອີກຫລາຍສະບັບສັນຍາການຮ່ວມມື ໂດຍການເຂົ້າຮ່ວມເປັນສັກຂີພິຍານຂອງ ທ່ານ ມະໂນທອງ ວົງໄຊ, ຮອງ ລັດຖະມົນຕີ ກະຊວງອຸດສາຫະກຳ ແລະ ການຄ້າ,ທ່ານ ບຸນເຖິງ ດວງສະຫວັນ ຮອງລັດຖະມົນຕີ ກະຊວງອຸດສາຫະກຳ ແລະການຄ້າ ແລະ ທ່ານ ໄຊຊະນະ ສິດທິພອນ ຮອງປະທານຄະນະກຳມະການຮ່ວມມື ລາວ-ຈີນກະຊວງແຜນການ ແລະການລົງທຶນ