ໃນວັນທີ 13 ມີນາ 2018, ເວລາ 8:00 – 12:10 ທີ່ ສຄອ ແຫ່ງຊາດລາວ ໄດ້ມີການຈັດ ກອງປະຊຸມສຳມະນາທາງດ້ານຜູ້ປະກອບ   ການ ໃນຫົວຂໍ້: ການສົ່ງເສີມຄວາມອາດສາມາດໃນການສ້າງຜົນກຳໄລລະດັບສູງ ສຳລັບການສົ່ງອອກຜະລິດຕະພັນຊາ ສູ່ຕະຫຼາດສາກົນ.

ໃຫ້ກຽດເປັນປະທ່ານຮ່ວມໂດຍ ທ່ານ ອຸເດດ ສຸວັນນະວົງ, ປະທານ ສະພາການຄ້າ ແລະ ອຸດສາຫະກຳ ແຫ່ງຊາດລາວ, ທ່ານ ໄຊສົມເພັດ ນໍລະສິງ, ຮັກສາການຫົວໜ້າກົມສົ່ງເສີມການຄ້າ, ກະຊວງອຸດສາຫະກຳ ແລະ ການຄ້າ, ທ່ານ Jerome DUBOIS MERCENT, ທີ່ປຶກສາອາວຸໂສ, ອົງການສະຫະປະ ຊາຊາດເພື່ອການພັດທະນາປະຈຳລາວ.

ວັດຖຸປະສົງຂອງກອງປະຊຸມ:

1. ເພື່ອອະທິບາຍກ່ຽວກັບຄຸນລັກສະນະຂອງການເຕີບໂຕຂອງຂະແຫນງການຜະລິດ, ລາຄາທີ່ແພງ, ຕະຫລາດສໍາລັບຜະລິດຕະພັນຊາ ໃນເສດຖະກິດຕໍ່ຫນ້າ ແລະ ຜົນປະໂຫຍດທີ່ຈະຮັບ ສໍາລັບ ສປປ ລາວ.
2. ເພື່ອໃຫ້ຄໍາແນະນໍາ ແລະ ເປັນທີ່ປືກສາໃຫ້ແກ່ຜູ້ຜະລິດ ກ່ຽວກັບໂຄງສ້າງຂອງພາກເອກະຊົນໃຫມ່ ສໍາລັບອຸດສາຫະກໍາຊາລາວ – ກຸ່ມການຕະຫລາດຂອງຜູ້ຜະລິດຊາລາວເພື່ອສົ່ງອອກ – ການອອກແບບ ຕໍ່ກັບຜົນກະທົບລະຫວ່າງປະເທດ ແລະ ຜູ້ຜະລິດທີ່ມີມຸ້ງເນັ້ນຕໍ່ການສົ່ງອອກ ມີ:

ກ) ຮ່ວມມືກັນເພື່ອເສີມສ້າງປະສິດທິພາບທີ່ດີສຸດ(ຕົວຢ່າງ: ການຕະຫລາດ, ການຢັ້ງຢືນ, ການຝຶກອົບຮົມ, ການພັດທະນາຜະລິດຕະພັນ, ແລະ ການພັດທະນາມາດຕະຖານຊາລາວແບບພິເສດ ແລະ ເຮັດການສົ່ງເສີມໃຫ້ແກ່ຜູ້ທີ່ດື່ມນໍ້າຊາຈາກຕ່າງປະເທດ).

ຂ) ສາມາດເຂົ້າເຖິງຄວາມຮູ້ ກ່ຽວກັບຕະຫລາດຕ່າງປະເທດ, ແນວໂນ້ມຕະຫລາດ, ພຶດຕິກໍາການດື່ມຊາຂອງຜູ້ບໍລິໂພກຕ່າງປະເທດ ບວກກັບຂໍ້ມູນທາງດ້ານເຕັກນິກ, ຄວາມຕ້ອງການຂອງການສົ່ງອອກ ແລະ ນໍາເຂົ້າ ແລະ ອື່ນໆ ທີ່ ສຄອຊ.

ຄ) ກໍານົດມາດຕະຖານ ແລະ ລະບຽບວິໄນ ສໍາລັບກິດຈະກໍາທົ່ວໄປ.

ງ) ຈັດກິດຈະກໍາຮ່ວມ ໃນການສ້າງຍີ່ຫໍ້ຂອງຜະລິດຕະພັນຊາລາວ ໃຫ້ເປັນທີ່ຮູ້ຈັກ/ເປັນທີນິຍົມ ໃນລະດັບສາກົນ ເພື່ອໃຫ້ສາມາດຂາຍ ໃນລາຄາແພງທີ່ມີລາກຫລາຍຜະລິດຕະພັນ, ຍີ່ຫໍ້ຂອງຜະລິດຕະພັນຊາ (ແລະ ຜະລິດຕະພັນທີ່ກ່ຽວຂ້ອງກັນອື່ນໆ) ຈາກພູມສັນຖານທີ່ແຕກຕ່າງກັນ, ພີື້ນທີ ທີ່ໂດນເດັ່ນ ໃນ ສປປ ລາວ.

ຈ) ການນໍາໃຊ້ໃບທະບຽນ ຂອງມາດຕະຖານຂອງຍີ່ຫໍ້ຂອງຜະລິດຕະພັນໂດຍຜູ້ສົ່ງອອກ  ເຊີ່ງພວກເຂົາຕ້ອງໄດ້ ປະຕິບັດຕາມມາດຕະຖານທີ່ກຳນົດໄວ້.

ກິດຈະກໍາຂອງກອງປະຊຸມສໍາມະນາ

ກອງປະຊຸມສໍາມະນາ ຈະນໍາສະເຫນີພາບລວມໂດຍຫຍໍ້ກ່ຽວກັບຕະຫລາດໃນຂົງເຂດຂອງສະຫະພາບຢູໂລບ ແລະ ອະທີບາຍວ່າດ້ວຍເຫດໃດຕະຫຼາດ​ຈິ່ງເປັນຕະຫລາດທີ່ມີຄວາມອາດສາມາດສໍາລັບຜະລິດຕະພັນຊາ ຂອງ ສປປ ລາວ ແລະ ຈະເຮັດແນວໃດ ເພື່ອໃຫ້ເກີດຜົນປະໂຫຍດຈາກການນນໍາໃຊ້ໂອກາດດັ່ງກ່າວ, ເຊີ່ງລວມມີ:

• ພາບລວມຂອງຕະຫລາດ – ພາບລວມຂອງຜູ້ບໍລິໂພກຕໍ່ກັບຜະລິດຕະພັນຊາ, ປະຫວັດ, ສະພາບໃນປະຈຸບັນ ແລະ ທ່າອ່ຽງ (ແນວໂນ້ມ) ເຊີ່ງສະແດງໃຫ້ເຫັນເຖີ່ງ ຜູ້ບໍລິໂພກຈະຍອມຈ່າຍເງີນຫຍັງແນ່ໃນມື້ຕໍ່ໄປ ໂດຍສະເພາະຂະແຫນງຊາ.
• “ຜູ້ບໍລິໂພກທີ່ມີຄຸນນະທໍາ ຫລື ຈະລິຍະທຳ” ຄຸນລັກສະນະ ແລະ ທ່າອ່ຽງ ຂອງຜູ້ບໍລິໂພກ – ສະພາບໂດຍລວມ ແລະ ສະເພາະຂອງປະເພດເຄື່ອງດື່ມ/ຊາ.
• ການສົ່ງເສີມຜະລິດຕະພັນຊາຂອງລາວໃນຕ່າງປະເທດ, ໃຫ້ຄໍາແນະນໍາໂດຍລວມກ່ຽວກັບການວ່າງຕໍໍ່າແຫນ່ງຂອງຍີ່ຫໍ້ສິນຄ້າ ໃນຕ່າງປະເທດ ສໍາລັບ ສປປ ລາວ ແລະ ຄົນລາວ ໂດຍສະເພາະແລ້ວຜະລິດຕະພັນຊາ. ບົດລາຍງານຫຍໍ້ກ່ຽວກັບບົດສຶກສາຂອງຜູ້ບໍລິໂພກ ແລະ ນໍາສະເຫນີກ່ຽວກັບຍີ່ຫໍ້ຂອງຜະລິດຕະພັນລາວ.

ກອງປະຊຸມສໍາມະນາ ຍັງຈະໃຫ້ຄໍາແນະນໍາສຳລັບການພັດທະນາຍຸດທະສາດໃນອານາຄົດຂອງພາກທຸລະກິດ ທັງໄລຍະສັ້ນ ແລະ ໄລຍະຍາວ ເຊິ່ງລວມມີ:

ກ) ຜະລິດຕະພັນຊາຈາກລາວ – ເພື່ອໃຫ້ຜູ້ບໍລິໂພກເຫັນໄດ້ວ່າເປັນຫນຶ່ງທາງດ້ານລົດຊາດດີທີ່ສຸດຂອງໂລກ – ທີ່ມີມາດຕະຖານສູງສຸດ.

ຂ)  ອຸດສາຫະກໍາທີ່ໄດ້ຮັບຄວາມນ່າເຊື່ອຖືຈາກຜູ້ບໍລິໂພກຊາຈາກຕ່າງປະເທດ ເຊີ່ງດຳເນີນທຸລະກິດໂດຍຄົນລາວເອງ.

ຄ)  ນະໂຍບາຍໄລຍະສັ້ນ ແລະ ຍຸດທະສາດໄລຍະຍາວ:

• ວິທີ່ການເພື່ອໃຫ້ບັນລຸການຂາຍຜະລິດຕະພັນຊາທີ່ມີມູນຄ່າສູງ ເຊິ່ງເປັນໄປຕາມມາດຕະຖານສາກົນ, ແລະ ເປັນສ່ວນຫນຶ່ງຂອງໂຄງການລິເລີ່ມໄລຍະສັ້ນ.
• ວິທີການຮັບຮອງ, ຍີ່ຫໍ້ສິນຄ້າ ແລະ ການສົ່ງເສີມ ເພື່ອໃຫ້ໄດ້ປະສິດທິພາບທີ່ສູງທີ່ສຸດ – ໃນໂຄງການລິເລີ່ມ ໄລຍະຍາວ.
• ຜູ້ຜະລິດ/ຜູ້ດຳເນີນການ ສາມາດເຮັດການສົ່ງເສີມຍີ່ຫໍ້ທີ່ໂດດເດັ່ນຂອງຕົນເອງແນວໃດ ແລະ ມີຜົນສໍາເລັດໂດຍລວມໃນຍີ່ຫໍ້ຜະລິດຕະພັນຊາ.

ກອງປະຊຸມ ແມ່ນຈະນໍາສະເຫນີໂຄງສ້າງການຮ່ວມມືຮູບແບບໃຫມ່, ກຸ່ມຄວບຄຸ້ມຄຸນນະພາບ ແລະ ຜູ້ຜະລິດຊາລາວເພື່ອສົ່ງອອກເຊີ່ງດຳເນີນໂດຍສະມາຊິກຂອງພາກທຸລະກິດ, ການລະດົມຊັບພະຍາກອນ, ການຊຸກຍູ້ທາງດ້ານມາດຕະຖານ, ການແນ່ໃສ່ຕະຫລາດທີ່ດີທີ່ສຸດ ແລະ ການສົ່ງເສີມຢ່າງແຂງແຮງໄປສູ່ຕະຫລາດເຫລົ່ານັ້ນ. ການປືກສາຫາລືໃນກອງປະຊຸມ ແມ່ນຈະກວມເອົາການໃຫ້ຄໍາແນະນໍາ ແລະ ທັດສະນະກ່ຽວກັບ:

ກ) ໂຄງສ້າງ; ການຮັບຮອງ, ການກວດກາ, ການທົດລອງ; ມາດຕະຖານຂອງຜະລິດຕະພັນ; ຄວາມຮັບຜິດຊອບທາງດ້ານມາດຕະຖານ, ສູນຄວາມຮູ້/ຊັບພະຍາກອນ, ການໃສ່ຍີ່ຫໍ້ສິນຄ້າ ແລະ ໃບທະບຽນ; ການສົ່ງເສີມການຂາຍ ແລະ ຕະຫລາດຕ່າງປະເທດ; ການລະດົມທຶນ.

ຂ)  ການສ້າງຍີ່ຫໍ້ສະເພາະບຸກຄົນ ໂດຍໄດ້ຮັບການສະຫນັບສະຫນູນຈາກການສ້າງຍີ່ຫໍ້ສິນຄ້າ ແລະ ການສົ່ງເສີມການຂາຍຮ່ວມກັນ ຂອງຜູ້ຊ່ຽວຊານ ພາຍໃຕ້ຍີ່ຫໍ້ລາວ.

ຄ)  ກົນໄກການຂາຍຮ່ວມ.

ງ)  ການສົ່ງເສີມການຂາຍຮ່ວມ.